Rådgjeving er eit vidareutdanningstilbod bygt opp med to emner (15 + 15 studiepoeng). Studiet tek sikte på å kvalifisere til profesjonelt rådgjevings-/rettleiingsarbeid individuelt og i grupper.
Vidareutdanning, 30 studiepoeng for lærarar/ rådgjevarar
Lærarar i grunn- og vidaregåande opplæring som har rådgjevingsoppgåver.
Gjennom studiet skal deltakarane:
- tileigne seg innsikt i og kunnskap om utfordringar knytt til rådgjevarrolla
- tileigne seg erfaring og trening i rådgjeving
- kunne reflektere over eiga rolle som rådgjevar
Lærarkompetanse og vere i stilling der ein har rådgjevaroppgåver.
Emnebasert 15 + 15 stp.
Første del legg vekt på kunnskap om rettleiing/rådgjeving og utfordringar som rådgjevar har relatert til nye læreplanar/kunnskapsløftet. Studiet legg også vekt på trening i praktisk rådgjeving.
Andre del legg vekt på kunnskap om og trening i karriererettleiing. Dette emnet vil også fokusere på tverrfaglege- og fleirkulturelle utfordringar for rådgjevarane.
Studiet er organisert med regionsamlingar, lokale studiegrupper og individuelt arbeid. På dei regionale og lokale samlingane vil deltakarane møte varierte og problemorienterte arbeidsformer med tilhøyrande rettleiar- og deltakarrespons. Ein vil og skrive fagtekstar relatert til eigen arbeidsplass. IKT vert nytta som kommunikasjons- og informasjonskanal. IKT skal understøtta læringa og samhandlinga både deltakarane seg i mellom og mellom deltakarane og høgskulen.