DA651 Ikt i helse- og sosialsektoren

Kurset skal gjere studentane i stand til å forstå dei grunnleggjande prinsippa bak bruk av ulike ikt-baserte system i helse- og sosialsektoren. Etter avslutta kurs skal studentane kjenne til og kunne bruke nettbaserte informasjonskjelder og elektronisk saksbehandling, og kjenne til dei rettslege og praktiske sidene ved lagring, attfinning og bruk av digital pasient- og klientinformasjon. Studentane skal verte kvalifisert til aktivt å ta del i vurdering, innføring og vidareutvikling av ikt-system på eigen arbeidsplass.

• Innføring i grunnleggjande prinsipp for oppbygging og verkemåte for datamaskin og nettverk.
• Opplæring i praktisk bruk av datautstyr og grunnleggjande standardprogram for tekst, rekneark, databasar og bruk av internett med informasjonssøk, e-post og anna kommunikasjon.
• Kjennskap til bruk og potensialet for IKT i helse- og sosialsektoren
• Studentane vil få grunnleggande kunnskapar om sentrale program i helse- og sosialtenesta og ei praktisk innføring i nokre av desse.
• Innføring i ikt-basert sak-og arkivsystem
• Etiske og juridiske problemstillingar knytt til datahandsaminga i helse- og sosialsektoren.
• System for kvalitetssikring
• Utvikling og innføring av nye informasjonssystem, utfordringar og mulegheiter dette skaper for ulike brukargrupper. Korleis påverkar ikt læring og kompetanseutvikling og krav/behov for effektivisering og kvalitetsauke. Korleis utnytte ikt som verkty i eigen arbeidssituasjon.
• Kunnskap om endrings- og avgjerdsprosessar på arbeidsplassen for å bli ein aktiv medspelar i organisasjonsutvikling på eigen arbeidsstad.

Førelesingar og demonstrasjonar som grunnlag for diskusjonar.
Praktisk opplæring og gjennomgang av program ved dataterminal.
Sjølvstendig arbeid gjennom evaluering av ikt-system og eigen arbeidssituasjon, formulering og kommunisering av teknologibehov

Heimeeksamen over 14 dagar.

Langøen, Arne: Helse-IT – innføring i IT for helsefag, Fagbokforlaget, Bergen, 2003.
Datakortet, godkjent materiell for siste fagplan (4.0), modul 1,2,3,4,7, http://www.datakortet.no/

Suppl.pensum/alternativt pensum: Lov om behandling av personopplysninger (personopplysningsloven), www.datatilsynet.no
Lov om helseregistre og behandling av helseopplysninger (helseregisterloven), www.datatilsynet.no
Veiledning til forskrift om elektronisk kommunikasjon med og i forvaltningen, www.statskonsult.no
Sluttrapport fra Program for elektronisk saksbehandling, Rapport 2002:14, www.statskonsult.no
Ruland, Cornelia M: Helse- og sykepleieinformatikk, Gyldendal Akademisk, Oslo, 2000