Obligatorisk emne i 2. semester på bachelorstudiet i økonomi og administrasjon, turisme og reiseliv og 1-årig studium i bedriftsøkonomi. Valfritt emne i årsstudiet i turisme og reiseliv.
Studentane skal forstå årsaka til og verknadene av konjunktursvingingar på kort sikt, mellom anna korleis endringar i etterspurnaden i ein del av økonomien får ringverknader og kan påverke det generelle økonomiske aktivitetsnivået i landet. Dei skal også ved hjelp av makroøkonomiske modellar kunne vise korleis styresmaktene kan påverke det økonomiske aktivitetsnivået. Studentane skal ha kjennskap til korleis ulike valutakursregime verkar.
Føremålet med emnet er å gjere studentane betre i stand til å følgje med i media og diskusjonar om landets generelle økonomiske utvikling og kva denne utviklinga har å seie for den enkelte bedrift.
Ingen spesielle, men det er ein fordel med kunnskapar i matematikk som tilsvarar emnet MA6 -100.
Faglege element som skal dekkast:
Nasjonalrekneskap
-Kunnskap om dei ulike komponentane som utgjer BNP.
-BNP som velferdsmål
-Prisindeksar
-Ulike renteomgrep
-Valutakursar
Økonomisk vekst
Strukturell arbeidsløyse
Pengar, valuta og inflasjon
-Kjøpekraftsparitet
-Kvantitetsteorien
-Renteparitet
-Kostnader ved inflasjon
Konjunkturar
-Tilbod og etterspurnad i varemarknaden
-Tilbod og etterspurnad i pengemarknaden
-IS-MP-modellen: Likevekt i vare- og pengemarknaden
-Finans- og pengepolitikk
Førelesingar med gjennomgang av teori og oppgåver.
Det skal leverast inn eitt oppgåvesett til godkjenning. Oppgåva kan gjerast individuelt eller i grupper på inntil tre personar. Faglærar er ansvarleg for godkjenninga.
Skriftleg eksamen, 4 timar. Bokstavkarakter.
Erling Steigum: ”Moderne makroøkonomi”. Gyldendal akademiske Forlag