Obligatorisk emne 4. semester for bachelor i turisme og reiseliv med fordjupingsretning i marknadsføring og kundekontakt.
Vår, 4. semester
Emnet gir kunnskap om produkt- og reisemålsanalysar som grunnlag for tilråding av produktutviklings- og marknadstiltak for bedrifter og/eller reisemål. Emnet skal setje studentane i stand til å
•beskrive og vurdere reiselivstilbodet/produktet innafor eit vald reisemål eller reiselivsbedrift
•beskrive og vurdere produktet i forhold til ulike reisandekategoriar
•førebu og tilrå val av målgruppe(r) for eit vald reisemål eller bedrift
•førebu og kommentere analyse av korleis reisemålet eller bedrifta står seg i konkurransen med tilsvarande aktørar/konkurrentar
•legge fram ein grunngjeven plan for utvikling av tilbodet ved reisemålet eller bedrifta
Obligatoriske reiselivs-, marknadsførings- og organisasjonsfag for bachelor i reiseliv.
Emnet bygg på teoriar og døme innafor produkt- og reisemålsanalyse knytt til kunnskap om ulike marknads-segment i reiselivet og strategisk planlegging: produktteori, attraksjonsteori, destinasjonsteori, regionaliseringsteori og segmentspesifikk turistanalyse.
Case- og prosjektretta undervisning, prosjektoppgåver, rettleiing, problembasert læring med deltaking av fleire lærarar.
Det skal leverast inn 2 obligatoriske oppgåver. Oppgåvene skal løysast i grupper på opp til tre personar. Individuell oppgåveløysing må godkjennast av faglærar. Faglærara står for godkjenning av oppgåva.
Individuell skriftleg eksamen, 5 timar: Bokstavkarakter.
Vert lagt fram ved studiestart.