Obligatoriske emne 6. semester for bachelor i turisme og reiseliv med fordjupingsretning i marknadsføring og kundekontakt.
Vår, 6. semester
Studentane skal tilegne seg inngåande kunnskap om strategisk marknadsplanlegging, marknads-føringsleiing og marknadsorientering innafor reiselivet.
Emnet byggjer vidare på obligatoriske marknadsførings- og organisasjonskurs for bachelor i reiseliv og fordjupingsemna Marknadsanalyse og merkevarestrategi, Produkt- og reisemålsanalyse og Marknadskommunikasjon i reiselivet.
Emnet vektlegg koplinga mellom marknads- og produkt/reisemålsanalysar som grunnlag for tilråding av marknadstiltak innafor ein strategisk marknadsplan.
•Tenestemarknadsføring - særtrekk ved marknadsføring av service- og tenestebaserte produkt i reiselivet
•Strategisk marknadsplanlegging i reiselivet – heilskapleg tilnærming til bruk av marknadskunnskap, strategiutvikling, val av profil og tiltak, og måling av resultat
•Modellar for marknadsføringsleiing i service- og tenesteføretak - marknadsbasert organisering, produkt- og servicetilpassing
•Marknadsføring i nye media og bruk av ny informasjonsteknologi i kommunikasjon og marknadsføring
•Case-studiar av heilskaplege marknadsstrategiar i reiselivsbedrifter, reisemål og reiselivsorganisasjonar
Førelesingar, oppgåveløysing, og bruk av IT.
Det skal leverast inn ei oppgåve til godkjenning med presentasjon i plenum. Oppgåva skal løysast i grupper på opp til tre personar. Individuell oppgåveløysing må godkjennast av faglærar. Faglærara står for godkjenning av oppgåva.
Heimeeksamen over 7 dagar, individuelt eller i gruppe på 2-3. Det vert gitt ein samla karakter. Bokstavkarakter.
- Marketing for Hospitality and Tourism (Kotler, Pearson, Prentice Hall. 4th edition, 2006),
- Markedsføringsledelse (Kotler, Gyldendal, 3. utgåve, 1. opplag 2005)