Faget tek sikte på å auka kompetansen i både munnleg og skriftleg engelsk med vekt på forretningskommunikasjon. Samstundes vil ein øve grammatikk, ordforråd og idiomatikk.
Studiet inneheld desse hovudemna:
- munnleg engelsk
- skriftleg engelsk
- engelsk grammatikk
- britisk- og amerikansk kultur
- student presentasjonar
Munnleg engelsk:
Engelsk vil konsekvent verte brukt som kommunikasjonsspråk i timane. Undervisninga vil fokusere på bruk av engelsk i situasjonar som helsing, telefonsamtalar og formell og uformell kontaktskapande samtale. Vidare vil ein fokusere på bruk av språk i forhandlingar, møteteknikk og presentasjonar. Studentane vil også få høve til å simulere relevante situasjonar i arbeidslivet med gruppearbeid og "case-studies".
Skriftleg engelsk:
Emnet tek opp: forretningskorrespondanse, møtereferat, og rapportar. Det vil verte lagt opp til ein del skriftlege arbeid gjennom året. Dette gjev studentane skrivetrening og skal gje utgangspunkt for undervisning rundt formelle sider ved språket.
Engelsk grammatikk:
Kurset skal gje ei innføring i praktisk grammatikk.Denne innføringa skal betre studentane si språkføring og gje generell kunnskap om språket.
Kulturkunnskap:
For å kunne kommunisere effektivt internasjonalt er det ein stor fordel å kjenne til kulturen i det aktuelle landet. Ein vil derfor arbeide med tekstar som tek føre seg økonomiske, historiske og kulturelle tilhøve i engelsktalande land.
Studentpresentasjonar:
Studentane skal gje både formelle og uformelle presentasjonar. For eksempel: presentasjonar av "case-studies" og meir uformelle presentasjonar som del av gruppearbeid.
Arbeidsmetodane vil veksle mellom førelesingar, undervisning i grupper og individuelt arbeid.
Erfaring har vist at god deltaking/prosess er nøkkelen til gode resultat. Ved mappeeksamen betyr dette at studenten må vera i prosess heile året og stadig levera inn tekstar.
Mappe: 60%, delkode 001
Innhaldet i mappa:
Introduksjon
Ei oppgåve frå pensumlitteraturen
Ei oppgåve frå språk
To brev frå forretningskorrespondanse
Eit eksempel på CV
Munnleg: 40%, delkode 002
Murphy, R. (1994) English Grammar in Use, Cambridge, CambridgeUniversity Press.
Utvalde novellar.
Utleverte stensilar.
Ein rår til at studentane skaffar seg ei ordbok, som for eksempel Oxford Student’s Dictionary eller Oxford Advanced Learner’s Dictionary. Det vil også være nyttig å skaffe seg spesialordbøker som for eksempel Einar Hansen Bedre engelsk forretningsspråk.