Emneområdet er ein obligatorisk del av ein mastergrad i spesialpedagogikk
Emnet skal lære studentane å kunne
- reflektere kritisk over sin eigen praksisteori som rådgjevar og innovatør innan det spesialpedagogiske fagfeltet
-legge tilrette for, leie og gjennomføre ein rådgjevings- og/eller innovasjonsprosess
- bruke kartleggingsmetodar for å fremje planlagde endringsforsøk for individ, grupper og system for ein betre situasjon
- profilere og dele den spesialpedagogiske kunnskapen sin som eit ledd i ein rådgjevingsprosess
Bachelor i spesialpedagogikk eller lærar-, faglærar-, førskolelærar- barnevernpedagogutdanning eller tilsvarande på minimum 3 år.
Studiet skal gje fagleg oversikt over tema, rammer, teori, modellar og dugleik innan spesialpedagogisk rådgjevings- og innovasjonsarbeid relatert til den einskilde fordjuping. Innhaldet vert organisert i følgjande emne:
- Aktuelle rådgjevings- og innovasjonsteoriar.
- Sentrale rådgjevings- og innovasjonsoppgåver på system-, gruppe- og individnivå.
- Oversikt over og trening i rådgjevingsdugleik og grunnleggjande eigenskapar.
- Kartlegging, informasjons- og sakkunnigarbeid innan rådgjeving.
- Systemforståing som grunnlag for rådgjeving og innovasjon innan skolar, barnehagar, andre institusjonar og familiar. Her vert det lagt vekt på tilrettelegging for inkludering, tilpassa opplæring og serskilde tiltak og organisasjonsutvikling.
- Fordjupingsrelatering av spesialpedagogiske rådgjevingsoppgåver.
Undervisninga vert organisert som forelesingar innan sentrale tema, fordjupingsorganisert undervisning innan spesifikke tema, kasusbaserte gruppeøvingar (med bruk av rollespel og videoopptak) i rådgjevingsdugleik og -prosess, problembaserte oppgåver om etiske dilemmaer / sakkunnigarbeid / osv. Det vert gitt testkurs. Deler av undervisninga er obligatorisk.
Det er ein oppgåvebasert 3 vekers ekstern praksis innan eit fordjupingsrelevant arbeidsfelt som blir følgt opp med grupperettleiing både før og etter praksis. Praksis bør ha ein innovativ karakter og vil så langt det er mogleg integrere fordjuping og rådgjeving.
Obligatoriske komponentar som trening av rådgjevingsdugleik, praksis, praksisrapport, testprotokollar, ein rapport av testresultat og implikasjonar for spesialpedagogiske tiltak må vere gjennomførte og godkjende før framstilling til eksamen.
Eksamen: Ei mappe som skal innehalde ulike dokument, for eksempel skriftlege oppgåver om eigen praksisteori. Det vil bli utarbeidd nærare retningsliner for mappa før semesterstart. Det vert brukt ein gradert karakterskala med fem trinn frå A til E for bestått med A som beste karakter, og F for ikkje bestått