FP332 800 Fagleg-pedagogisk studium i kristendoms-, religions- og livsynskunnskap (KRL)- deltid.

Studentane skal skaffe seg kunnskap om religionar og livssyn, med særleg vekt på kristendommen. Dei skal skaffe seg innsikt i barns livstolking, og få øving i å drøfte etiske utfordringar. Studentane skal førebu seg til arbeid med kulturmøte. Dei skal utvikle haldningar som gjer at dei møter barn, foreldre/føresette og andre vaksne med ulike livssyn med respekt og innsikt, og dei skal kunne legge opp verksemda slik at alle barn får støtte for sin eigenart og får respekt for andre sin. Faget skal og medverke til at studentane sin personlege vekst og refleksjon over eigen verdiforankring og praksis vert utvikla. Studiet vil leggje vekt på tema som høgtider, årstider og gangen i naturen, sett i høve til den overordna profilen på studiet.

7. og 8. semester: Profesjonalitet og samfunn
Etikk og verdigrunnlag:
- Etikkens grunnlagsspørsmål og tilhøvet til religionar og livssyn
- Det etisk forsvarlege i møte med etiske dilemma, konfliktar og barn i krise
- Verdigrunnlaget og samarbeid med heimen
- Yrkesetikk
Kulturelt mangfald:
- Hovudtrekk ved andre religionar og livssyn
- Kva religionar og livssyn inneber for identiteten
- Barns føresetnader, førestellingar og spørsmål i møte med religion, livssyn og moral
- Kulturmøta i den fleirkulturelle barnegruppa, og spørsmål knytt til korleis ein tek analyserte og reflekterte val i møte med det religiøse og livssynsmessige mangfaldet

Høgtider og årstider:
- Sentrale bibelforteljingar og element i kristen tru
- Kristne høgtider og merkedagar
- Kristendommen i kulturen lokalt og nasjonalt
- Barns føresetnader, førestellingar og spørsmål i møte med religion, livssyn og moral
- Samarbeid om praktiske løysingar for einskildborn på fagområdet

Studiet er organisert med vekesamlingar i Sogndal og studiegrupper lokalt. Arbeidsformer på samlingane er førelesingar, studentaktive- og problembasertelæringsformer med arbeid individuelt og i grupper. Arbeidsformene på samlingane, i lokale grupper og individuelt byggjer på at IKT vert nytta, og læringsplattforma er Classfronter. Mellom samlingane ligg aktiv bruk av lokale studiegrupper og undervisninga vil i større grad enn elles leggje til grunn at det vert arbeidd etter einplan mellom samlingane. IKT skal understøtte læringa og auke samhandlinga mellom studentane på felles- og gruppesamlingar, mellom enkeltstudentar og mellom studentar og faglærarar (informasjon, dialog og rettleiing).
Teoretisk innsikt og opplevd aktivitet skal danne grunnlag for studentane når dei skal planleggje, legge til rette, gjennomføre og vurdere pedagogisk arbeid med barn, både inne og ute.

I studiet er mapper elektoniske, om ikkje anna er sagt.

20 veker praksis integrert i fagstudiet over tre studieår. Sjå eigen plan for praksis.

- Obligatorisk frammøte til samlingane i Sogndal
- Arbeid i lokale grupper
- Ei skrifteleg oppgåve knytt til eit tverrfagleg tema
- Arbeidsoppgåver i gruppe
- Praksis, førebuing og etterarbeid
- Greidd praksis

4. studieår:
a) FP332 801 KRL: Skriftleg, individuell eksamen
Tid: 4 timar
Vekting: 70%

b) FP332 802 Eigenrefleksjon. Studenten kommenterer og vurderer utvalde arbeidsoppgåver frå mappe . Eigenvurderingane vert vurdert med karakter.
Vekting: 30%

Førebels pensumlitteratur vil ligge føre ved studiestart. I tillegg til det fastlagde pensumet, skal studentane kvart år leggje opp eit visst tal sider med sjølvvalt pensumlitteratur. Desse sidene skal godkjennast av faglærar. Endeleg litteraturliste skal ligge føre innan oppmeldingsfrist til eksamen. For haustsemesteret er denne fristen 15. september og for vårsemesteret 15. februar. Pensumlista ligg på faget sine internettsider.