FP332 600 Fagleg-pedagogisk studium i naturfag med miljølære - deltid.

Studentane skal skaffe seg føresetnader for å utvikle eit barnehagemiljø som stimulerer barna si nysgjerrigheit, oppdagarglede og naturglede, og som støttar omgrepsutviklinga og den emosjonelle og intellektuelle utviklinga hjå barn.

2.semester:
Naturen som læringsarena
- Bruk av naturfagkunnskapar i tverrfaglege og temabaserte samanhengar og som inspirasjon til leik
- Forteljingar og myter om naturfaglege tema frå ulike kulturar
- Menneske sitt syn på naturen og miljøet før og no
- Naturfaglege tema sett i eit historisk- og fleirkulturelt perspektiv, tilpassa barnehagen
- Vurdering og bruk av ulike uteområde med tanke på naturopplevingar, leik og læring for barn på ulike alderstrinn og med ulike føresetnader
- Bruk av ulike naturmateriale i leik
- Leik inne og ute med basis i tema vatn, luft, lys, lyd, teknikk og energi
- Samarbeid med foreldre/føresette om natur- og miljøfaglege tema i barnehagen
- Vårt fysiske verdsbilde, årstidsvariasjonar og astronomi.

3. semester: Den kulturelle barnehagen
- Dei vanlegaste dyra, plantene og steintypane i nærområdet. Objektsamling.
- Menneskekroppen, kosthald og ernæring
- Førebyggjande helsearbeid og praktisk helsevern i barnehagen
- Teknologi og barn
- Utvikling av læringsmiljø som fremjar barna si nysgjerrigheit, oppdagarglede og omgrepsutvikling.

Studiet er organisert med vekesamlingar i Sogndal og studiegrupper lokalt. Arbeidsformer på samlingane er førelesingar, studentaktive- og problembasertelæringsformer med arbeid individuelt og i grupper. Arbeidsformene på samlingane, i lokale grupper og individuelt byggjer på at IKT vert nytta, og læringsplattforma er Classfronter. Mellom samlingane ligg aktiv bruk av lokale studiegrupper og undervisninga vil i større grad enn elles leggje til grunn at det vert arbeidd etter einplan mellom samlingane. IKT skal understøtte læringa og auke samhandlinga mellom studentane på felles- og gruppesamlingar, mellom enkeltstudentar og mellom studentar og faglærarar (informasjon, dialog og rettleiing).
Teoretisk innsikt og opplevd aktivitet skal danne grunnlag for studentane når dei skal planleggje, legge til rette, gjennomføre og vurdere pedagogisk arbeid med barn, både inne og ute.

I studiet er mapper elektoniske, om ikkje anna er sagt.

20 veker praksis integrert i fagstudiet over fire studieår. Sjå eigen plan for praksis.

Utferder til kulturlandskap og skog haustsemesteret 2006. Eventuelle kostnader knytt til dette må dekkast av den einskilde studenten.

- Obligatorisk frammøte til samlingane i Sogndal
- Arbeid i lokale grupper
-Studieutferder/ekskursjonar til kulturlandskap og skog/fjell haustsemesteret 2006. Eventuelle kostnader knytt til dette må dekkast av den einskilde studenten.
- 2. semester: Eitt tverrfagleg pbl-arbeid i faga pedagogikk, fysisk fostring, musikk og naturfag m/ miljølære
- Elevøvingar og individuell objektsamling med tverrfagleg omtale
- Praksis, førebuing og etterarbeid
- Greidd praksis

2. studieåret: Haustsemesteret.
FP332 611 Naturfag : Individuell, skriftleg/praktisk prøve med utgangspunkt i objektsamling, pensumartar og andre tverrfaglege arbeidskrav.
Tid: 1,5 time.
Vekting 40%.

2. studieåret: Haustsemesteret.
FP332 612 Naturfag: Individuell, elektronisk mappe (Class Fronter) med oppgåvesvar basert på elevøvingsarbeid og tidlegare eksamensoppgåver.
Vekting: 60 %.

Førebels pensumliste vil ligge føre ved studiestart. I tillegg til det fastlagde pensumet, skal studentane kvart år legge opp eit visst tal sider med sjølvvalt pensumlitteratur. Desse sidene skal godkjennast av faglærar. Endeleg litteraturliste skal ligge føre innan oppmeldingsfrist til eksamen. For haustsemesteret er denne fristen 15. september og for vårsemesteret 15. februar.

Basispensum:
Ingvar Leiv Leknes: Skogen og livet der i notid og fortid.Undervisingskompendium,Avdeling for ingeniør- og naturfag, Høgskulen i Sogn og Fjordane, Sogndal, våren 2004.
Ingvar Leiv Leknes: Utvalte tema frå ”Naturfag med miljølære” for førskulelærarlinja (ny og utvida utgåve), Høgskulen i Sogn og Fjordane, Sogndal, hausten 2004
Ingvar Leiv Leknes: Pensumartar, studiåret 2005/2006