Fordjupingseining i 4. og 5. semester i 4-årig deltids førskolelærarutdanning med vekt på natur, kultur og uteaktivitet. Vidareutdanning for førskolelærarar og allmennlærarar.
4. og 5. semester
Utvikle positive haldningar til uteliv gjennom eigenopplevingar. Oppnå auka kompetanse i å nytte utemiljøet til heilskapleg utvikling av barn.
Utefag er ei tverrfagleg eining med utgangspunkt i fysisk fostring (15 studiepoeng), naturfag med miljølære (12 studiepoeng) og pedagogikk (3 studiepoeng). Utefag siktar seg inn mot arbeid i barnehage og småskole. Kurset byggjer på dei fagleg-pedagogiske studia i fysisk fostring og naturfag med miljølære og faget pedagogisk teori og praksis i førskolelærarutdanninga.
- Fuglar og planter – ulike årstider
- Mineral og bergartar
- Bær , frukt og sopp
- Økologi og naturkunnskap
- Livredding, førstehjelp og tryggleik
- Leik i ulike miljø – ulike årstider
- Aktivitetar og bygging på uteleikeplassen og naturleikeplassen
- Vaksenrolla og uteliv
- Oppleving, utvikling og læring
Endringar av tema kan skje undervegs.
Studiet organiserast i hovudsak som praktiske aktivitetar knytt til ekskursjonar og turar. Enkelte tema har ei kort førelesing før ei lengre praktisk arbeidsøkt. Andre tema legg vekt på arbeid i grupper, førelesingar og individuelle arbeid. Studentane arbeider i faste basisgrupper gjennom studiet.
2 veker praksis i barnehage eller småskole. Eit fordjupingsarbeid i gruppe knytt til praksis.
Dagsturar med praktiske aktivitetar
- Tur til Runde (fuglefjell, fugl ved kysten, fjøre) 3 dagar
- Kanotur 2 dagar
- Vintertur 2 dagar
- Eigendefinert tur 2 dagar
Førearbeid, gjennomføring og etterarbeid av praktiske aktivitetar knytt til ekskursjonar og turar.
- Praksis, førebuing og etterarbeid.
3. studieår, haustsemester:
a) ID380 301 Rapport
- Rapport frå fordjupingsarbeid knytt til praksis, gruppearbeid
Vekting 25 %
b) ID380 302 Mappe- 2 skriftlege arbeid i fysisk fostring - 2 skriftlege arbeid i naturfag med miljølære. Det blir trekt ut eitt arbeid frå kvart fag som blir vurdert med karakter
Vekting 25%
c) ID380 303 Individuell munnleg eksamen
Vekting 50 % (ekstern sensor)
Førebels pensumliste skal ligge føre ved studiestart. Endeleg pensumliste skal ligge føre innan oppmeldingsfristen til eksamen. For haustsemesteret er denne fristen 15. september og for vårsemesteret 15. februar.