NO350 600 Norsk 1, del 2

Gje studentane innsikt i undervisningsfaget norsk slik det blir presentert i LP06. Gje studentane relevant fagkunnskap om språk, tekst og kultur og øve opp evna til fagdidaktisk refleksjon. Utvikle evna hjå studentane til å bruke språket munnleg og skriftleg. Lære studentane å bruke IKT som hjelpemiddel i undervisning

• Barne- og ungdomslitteratur
• Litteraturdidaktikk
• Tekst og bilete på skjerm. Bruk av nettet
• Vidare lese- og skriveopplæring
• Munnleg bruk av språket
• Elevtekstar med hovudvekt på mellomsteget
• Sjangerlære
• Språket som system/grammatikk

Samarbeid mellom fag og utdanningar:

• Tema 7 IKT som hjelp til kommunikasjon og læring:
  - Tekst og bilete på skjerm: norsk

Tre prinsipp er basis for faget:
1.Eigenaktivitet og forpliktande samarbeid i ulike gruppestorleikar
2.Yrkesrelevante arbeidsformer
3.Variasjon i bruk av aktivitetar
Biblioteket er ein sentral samarbeidspartnar. IKT vert nytta som læringsverktøy i studiet

Spesielt for deltidsutdanninga:
Undervisninga er organisert i regionale samlingar og lokale studiegrupper, med ulike undervisningsformer i dei ulike gruppene. På dei regionale samlingane blir det undervisning av faglærar.I dei lokale studiegruppene, som blir organisert geografisk, blir det studentaktive læringsformer: Førebuing av stoff, diskusjonar, skriving av oppgåver o.a.
Arbeid gjennom læringsplattform på nettet er sentralt i dette studiet, og deltaking i dette er såleis obligatorisk.

Sjå studieplan for praksis.

Tilbod om nabospråksutveksling til Danmark eller Sverige innanfor NORPLUSS-nettverket, ei veke. Det kan bli tilbod om dette i ein av dei tre delane.

• Det er obligatorisk oppmøte til delar av undervisninga. Kva delar dette gjeld, skal gå fram av undervisningsoversikt for studiet
• Ei samling tekstar i begge målformer, gruppearbeid og individuelle arbeid

Spesielt for deltidsutdanninga:

• Arbeid gjennom læringsplattform på nettet er sentralt i dette studiet, og deltaking i dette er såleis obligatorisk.
• Ei samling tekstar i begge målformer. Desse blir for det meste organiserte som gruppeinnleveringar gjennom den lokale studiegruppa. Deltaking i desse gruppeaktivitetane er såleis obligatorisk.
• Responsgjeving på gruppeoppgåver. Dei lokale studiegruppene skal gje tilbakemeldingar på arbeida til kvarandre. Arbeid med responsgjeving er obligatorisk.

NO350 600 Individuell, skriftleg eksamen
Eksamenstid: 4 timar
Målform: Motsett av del 1

Førebels pensumliste skal ligge føre ved studiestart. Endeleg pensumliste skal ligge føre innan oppmeldingsfristen til eksamen. Pensumlistene ligg på norskseksjonen sine internettsider.