NO350 800 Norsk 1, del 3 deltid

Gje studentane innsikt i undervisningsfaget norsk slik det blir presentert i LP06. Gje studentane relevant fagkunnskap om språk, tekst og kultur og øve opp evna til fagdidaktisk refleksjon. Utvikle evna hjå studentane til å bruke språket munnleg og skriftleg. Lære studentane å bruke IKT som hjelpemiddel i undervisning

• Barne- og ungdomslitteratur og litteraturdidaktikk
• Vidare lese- og skriveopplæring
• Munnleg bruk av språket
• Elevtekstar med hovudvekt på ungdomssteget
• Sjangerlære
• Norsk som andrespråk
• Normering og talemålsvariasjonar
• Sidemålsundervisning
• Språket som system/grammatikk

Samarbeid mellom fag og utdanningar:

• Tema 2 Informasjonsinnhenting og kritisk haldning til informasjon: bibliotek, norsk, KRL
• Tema 5 Fleirkulturelt mangfald og internasjonale perspektiv: pedagogikk, matematikk, norsk, KRL
• Tema 7 IKT som hjelp til kommunikasjon og læring:
  - Kritisk og etisk vurdering av nettbaserte ressursar. KRL og norsk har ansvaret.

Undervisninga er organisert i regionale samlingar og lokale studiegrupper, med ulike undervisningsformer i dei ulike gruppene. På dei regionale samlingane blir det undervisning av faglærar.I dei lokale studiegruppene, som blir organisert geografisk, blir det studentaktive læringsformer: Førebuing av stoff, diskusjonar, skriving av oppgåver o.a.
Arbeid gjennom læringsplattform på nettet er sentralt i dette studiet, og deltaking i dette er såleis obligatorisk.

Skrivemappe i modul 3 med to individuelle tekstar, ein på bokmål og ein på nynorsk. Biblioteket er ein sentral samarbeidspartnar. IKT er eit viktig læringsverkty, og studentaktive læringsformer står sentralt.

Sjå studieplan for praksis.

Tilbod om nabospråksutveksling til Danmark eller Sverige innanfor NORDPLUSS-nettverket, ei veke. Det kan bli tilbod om dette i ein av dei tre delane.

• Det er obligatorisk oppmøte til delar av undervisninga. Kva delar dette gjeld, skal gå fram av undervisningsoversikt for studiet
• Arbeid gjennom læringsplattform på nettet er sentralt i dette studiet, og deltaking i dette er såleis obligatorisk.
• Ei samling tekstar i begge målformer. Desse blir for det meste organiserte som gruppeinnleveringar gjennom den lokale studiegruppa. Deltaking i desse gruppeaktivitetane er såleis obligatorisk.
• Responsgjeving på gruppeoppgåver. Dei lokale studiegruppene skal gje tilbakemeldingar på arbeida til kvarandre. Arbeid med responsgjeving er obligatorisk.

NO350 800 Mappevurdering
To individuelle tekstar frå skrivemappa.

Førebels pensumliste skal ligge føre ved studiestart. Endeleg pensumliste skal ligge føre innan oppmeldingsfristen til eksamen. For haustsemesteret er denne fristen 15. september og for vårsemesteret 15. februar. Pensumlistene ligg på norskseksjonen sine internettsider.