SPED4310/4320 Fordjuping i psykososiale vanskar

Emnet skal gi kunnskap og innsikt i førebygging av psykososiale vanskar, i tillegg utgreiing og opplæring på individ-, gruppe og systemnivå. Emnet skal også gje innsikt i eige forståingsgrunnlag og medvit om personlege dugleiks- og utviklingsmuligheiter. Det skal kvalifisere for spesialpedagogiske arbeid innanfor barnehage, skole, PPT og andre hjelpeinstansar.

Bachelor i spesialpedagogikk eller lærer-, faglærer-, førskolelærer-, barnevernspedagogutdanning eller tilsvarande av minimum 3 års lengde.

Psykososiale vanskar tek for seg alvorlege samspels- og åtferdsproblem i barnehage, skole og samfunn. Emnet omfattar spesialpedagogisk arbeid der tidleg intervensjon, førebygging og tverrfagleg og tverretatleg samarbeid står sentralt. Innhaldet vert konsentrert om fem område:

Psykososiale vanskar i barnehage, skole og samfunn. Dette utgjer
SPED4320, 10stp

-Psykososiale vanskar i eit normalitets- avviksperspektiv

-Førebyggjande strategiar og tidleg intervensjon

-Analyse, kartlegging, tiltak og tiltaksevaluering

Mobbing og utøvinga av vold i skole og samfunn:

-Mobbing og voldsutøving som samfunnsproblem

-Forståing og kjenneteikn ved mobbing og voldsutøving

-Tiltak og tiltaksprogram

Nevrologisk relaterte vanskar og andre psykiske lidingar:

-Nevrologisk relaterte diagnosegrupper

-Andre psykiske lidingar (bl.a. depresjonar, spiseforstyrringar)

-Spesialpedagogikk og psykiatri

Omsorgssvikt og barnevern

-Omsorgssvikt, mishandling og seksuelle overgrep

-Barnevernets oppgåver og funksjon

-Barnehage og skole som barnevernets samarbeidspartnarar

Rus- og kriminalitetsrelaterte vanskar:

-Rus og ungdomskultur

-Kriminalitet og kriminalitetsutvikling

-Tverrfagleg samarbeid omkring rus og kriminalitet

Studiet er organisert med fire vekesamlingar i haustsemesteret og fire vekesamlingar i vårsemesteret som er lagt til Studiesenter Sandane.

Undervisningsformene vil variere mellom førelesingar og seminar, gruppearbeid og prosjektarbeid. Undervisninga er obligatorisk, fråvær må ikkje overstige 20%. Det vert knytt arbeidskrav til studiet.

Rettleiing:

Det vert gitt 2 timars rettleiing i gruppe i samband med semesteroppgåva. Kvar prosjektgruppe får inntil 2 timars rettleiing i samband med prosjektarbeid.

Studentane skal ha inntil 4 vekers obligatorisk praksis, basert på vanleg arbeidstid (37 1/2 time pr veke). Praksis skal gjennomførast ved relevante praksisplassar, for eksempel i tilknyting til skolar, barnehagar, PPT, kompetansesenter, psykiatri og kriminalomsorg. Den einskilde student vil vanlegvis få tildelt praksisplass i god til før praksisperioden tek til. Studenten har ikkje høve til sjølv å velje praksisplass eller ha praksis på nåverande eller tidlegare arbeidsplassar. Det vert primært lagt opp til blokkpraksis, men studenten kan også få punktpraksis. Praksis er ein obligatorisk komponent i studiet og skal bli vurdert med ”godkjent/ikkje godkjent”. Praksis vert vurdert av godkjent praksisrettleiar. Ein student som får ”ikkje-godkjent” i praksis, har høve til å framstille seg til ny praksisperiode. Det vert bare gitt eitt forsøk. Ved ny framstilling i praksis vert det oppnemnt ny praksisrettleiar som skal vurdere studenten. Når denne praksisperioden er avslutta, skal den nye praksisrettleiaren i møte med fagleg koordinator fastsette den endelege vurderinga.

Utfyllande retningsliner for praksisopplæringa vil bli utarbeidd.

Obligatoriske komponentar som praksis, PBL og arbeidskrav og deltaking på einskilde førelesingar må vere gjennomførte og godkjende for å få godkjent eksamen. Nærare spesifikasjon av arbeidskrava skal ligge føre ved starten av studieåret.

Obligatoriske komponentar:

Obligatoriske komponentar som praksis, arbeidskrav og deltaking på einskilde førelesingar må vere gjennomført og godkjent for å få godkjent eksamen. Nærare spesifikasjon av arbeidskrava skal ligge føre ved oppstarten av studieåret.

Eksamen:

Eksamen inneheld følgjande komponentar:

a)Ei individuell skriftleg semesteroppgåve

b)3 timar skriftleg individuell eksamen knytt til tema I på pensumlista (SPED4320)

c)Eit prosjektarbeid. Prosjektarbeidet er eit gruppearbeid og omfattar:

oSkriftleg rapport frå eit prosjektarbeid

oMunnleg framføring av prosjektarbeid for sensorar og medstudentar

oEi samtale med ekstern og intern sensor med utgangspunkt i prosjektrapporten og den munnlege framføringa

Karakterskala:

På semesteroppgåva vert det nytta ein gradert karakterskala med fem trinn frå A til E for godkjent med A som beste karakter og F for ikkje-godkjent. Prosjektarbeidet vert vurdert til godkjent/ ikkje-godkjent.

Ny eksamen / forbetring av karakter:

Dersom ein av eksamenskomponentane er vurdert til ”ikkje-godkjent”, kan studenten framstille seg til ny eksamen i denne eksamenskomponenten i løpet av studieåret. Nærare retningsliner vil ligge føre ved studiestart.

Pensumlitteraturen har eit omfang på ca 3000 sider. Pensumlista ligg ved.