DA222 Operativsystem og systemprogramvare

Emnet skal gi ein grunnleggjande kunnskap om korleis operativsystem og systemprogramvare blir brukt for å administrere og organisere ressursane i ei datamaskin, og korleis eit moderne fil- og operativsystem fungerer i praksis.

Byggjer på DA200 eller tilsvarande.

–Ulike typar operativsystem og den interne strukturen i desse
–Parallelle prosessar og trådar, synkronisering og vranglås
–Administrasjon av prosessorar og køyreplan algoritmar
– Virtuelt lager, indre lager og bakgrunnslager
–Filsystem og filadministrasjon
–Prosesskommunikasjon ved hjelp av systemkall
–Praktisk konfigurering og drift av ulike operativsystem

Førelesingar og laboratorieøvingar, om lag jamt fordelt.

3 godkjende øvingar.

Mappe (Vekt 30%)
Skriftleg eksamen, 4t. (Vekt 70%)
Begge delar må vere greidd for at emnet skal vere greidd. Dersom ein student ikkje klarer ein av vurderingsdelane, kan vedkommande ta opp att denne seinare.