IKT i pedagogisk arbeid med barn

Studiet er eit vidareutdanningstilbod retta mot tilsette i barnehagen som har førskulelærarkompetanse eller tilsvarande høgre utdanning. Studieplanen er utvikla i nært samarbeid med arbeidsgivar- og brukargruppa. Studiet tek utgangspunkt i Rammeplan for barnehagen og temahefte om IKT i barnehagen. Studiet skal vere praktisk retta og gje studentane grunnleggjande kunnskap om digitale verktøy og fagleg kunnskap om bruk av IKT/digitale verktøy i dagleglivet i barnehagen.

Vidareutdanning for pedagogar i barnehagen

Studiet er relevant for tilsette i barnehage som har førskulelærarkompetanse eller tilsvarande.

• Få kjennskap til digitale verktøy
• Øve opp evna til å bruke digitale verktøy som et middel til å nå faglege, pedagogiske mål
• Lære korleis digitale verktøy kan vere kjelde til leik, kommunikasjon og innhenting av kunnskap
• Utvikle reflekterte haldningar til pedagogisk bruk av digitale verktøy
• Reflektere over dei sentrale endringane digitale verktøy kan medføre i barnehage, skule og samfunn og motivere barna til å bli produsentar meir enn konsumentar i ei ”digital verd”
• Få oversikt over aktuelt lovverk og utvikle etisk medvit til bruk av digitale verktøy

Fullført førskulelærarutdanning eller tilsvarande

• Innføring i bruk av IKT/digitale verktøy
  o Standard programvare
  o Lyd og bilete
• Bruk av IKT/digitale verktøy i det pedagogiske arbeidet i barnehagen
  o Barns medverknad
  o Dokumentasjon
  o Kommunikasjon: språk, tekst, tal, rom og form
• Etikk, lov og regelverk i eit samfunnsperspektiv
  o Digitale verktøy som middel for sosial utjamning og likestilling
  o Kritisk og reflektert forhold til samfunnsendringar
  o Aktuelt lovverk og nettvett

Studiet er desentralisert og organisert som ei veksling mellom regionale samlingar med tradisjonelle førelesingar og gruppearbeid, deltaking i lokale studiegrupper og individuelt arbeid.

• Frammøte til dei regionale samlingane
• 1 individuelt arbeidskrav knytt til eigen arbeidsplass
• 2 arbeidskrav i gruppe

IT303 IKT i pedagogisk arbeid med barn: Individuell presentasjon med utgangspunkt i sentralt arbeid i studiet

Førebels pensumliste vil liggje føre ved studiestart. Endeleg pensumliste vert fastesett innan 15. februar