Bruk av ikt i skulen

HSF har i fleire år tilbydd vidareutdanninga IKT for lærarar. Med utgangspunkt i dette, og med naudsynt oppdatering til den nye læreplanen (L-06) si sterke vektlegging av " Å kunne bruke digitale verktøy" som grunnleggjande ferdigheit, har ein studieplankomitè utarbeidd innhaldet i studiet. Studieplankomitèen har vore samansett av 5 HSF-fagtilsette, 1 repr. frå studentane og 1 ekstern repr.. I tillegg har utkastet til emneplan vore til høyring hos skuleeigarar i Sogn og Fjordane.

Studiet inngår i den valfrie delen av den 4-årig lærarutdanninga og som vidareutdanningstilbod til lærarar i grunn- og vidaregåande skular. Emne 1 gjev studiepoeng for lærarstudentar i ein overgangsperiode. For studentar som tek til på lærarutdanninga hausten 2007, vil emne 1 inngå i grunnutdanninga.

Studiet er relevant for lærarar i grunnskule og vidaregåande opplæring, og for studentar i allmennlærarutdanninga.

Studiet skal vera praktisk retta og gje studentane grunnleggjande fagleg kunnskap om bruk av IKT i skulekvardagen.

Studentane skal verta betre brukarar av IKT i arbeidet med læreplanen sin grunnleggjande ferdigheiter:

- å kunne uttrykkja seg munnleg

- å kunne uttrykkja seg skriftleg

- å kunne lesa

- å kunne rekna

- å kunne bruke digitale verktøy

I vektlegginga av det enkelte emne vert det teke omsyn til studentgruppa sine forkunnskapar, men slik at hovudmålet ligg fast: at studiet skal leggja hovudvekt på på bruk av IKT i skulen sitt læringsarbeid.

Studentar i 3. og 4. studieår (gjeld i avgrensa periode) og personar med fullført lærarutdanning eller tilsvarande kompetanse. Studiet byggjer på at deltakarane er brukarar av informasjonsteknologi, men ønskjer å vidareutvikla bruken av digitale verktøy både i undervisning, planleggingsarbeid og kommunikasjon med elevar, foreldre og omverda.

Studiet er bygd opp kring følgjande fire hovudemne:

• Grunnleggjande ikt
• It i samfunnet
• It-didaktikk
• Kommunikasjon- og samarbeidssystem

Studiet vert organisert med regionale samlingar. Opplegget vekslar mellom samlingar (regionale og lokale), eigenstudium og obligatoriske arbeidskrav.

Lærarar som er i arbeid kan gjera arbeidskravet om praksis på eigen arbeidsplass. Studentar i grunnutdanninga vil få tilpassa eige praksisrelatert arbeidskrav.

Arbeidskrav går fram av emneomtalane.

Sluttvurdering går fram av emneomtalane.

Rettleiande pensumliste vil liggja føre ved studiestart.