Leik, dans og drama 1, 15 sp

Vidareutdanning for allmennlærarar, førskulelærarar, faglærarar og kulturarbeidarar. Kan byggast på med del 2, slik at det blir tilsaman 30 studiepoeng Leik, dans og drama.

Lærarar og kulturarbeidarar

Studiet skal gi innføring i dans og drama som allmennfag med stor vekt på praktisk dans og dramaaktivitet, og utvikle innsikt i skapande åtferd hos barn. Studiet skal stimulere både personleg og fagleg utvikling hjå studentane og gi grunnlag for refleksjon, kritisk vurdering og perspektiv på leik, dans og drama i skulen. Studentane skal få eit tilfang av lærestoff for eiga undervisning

Lærarutdanning (førskule-, allmenn -, faglærar eller praktisk pedagogisk utdanning) eller realkompetanse.

Leik, dans og drama er eit tverrfagleg studium med fem hovudemne:

1. Barn i leik - grunnlag for dans og drama
- Grunnlagsarbeid med bevegelse og rytme
- Leiken sin eigenverdi
- Leik som metode
2. Skape
- Kreativ dans; arbeide med dans som uttrykksmiddel og kommunikasjonsform
- Fiksjonsbygging; arbeide med figur, fabel, tid og rom i leik og drama
- Koreografi og dramaturgi
- Koreografiske og dramatiske virkemiddel, t.d. rekvisittar, lyd, musikk, kostyme og lys
3. Utøve
- Song og danseleikar frå ulike kulturar
- Norske og utanlandske folkedansar
- Dramatiske uttrykksformer som kropp og stemme, dans og mime
- Dramatisk improvisasjon
4. Forstå
- Verdsette og vurdere dans og drama som uttrykksmiddel og kommunikasjonsform
5. Planlegge, gjennomføre og vurdere
- Leik, dans og drama sin plass i K-06
- Tema - og prosjektarbeid
- Den kulturelle skulesekken

Praktisk og teoretisk lærestoff vert integrert i heile studiet. Arbeidsformene er varierte. Hovudvekta vil vere praktisk arbeid, men og noko førelesing og gruppearbeid. Mellom samlingane må studentane drive sjølvstudium og arbeide med ulike arbeidskrav.

Bruk av Fronter vert nytta aktivt som kommunikasjons - og informasjonskanal, og som læringsverktøy for dialog og rettleiing. Studentane må difor ha nettilgang.

- Obligatorisk frammøte til dei regionale samlingane
- Forventningslogg
- To refleksjonsloggar knytt til praksis del 1: utprøving av ulike dans- og dramaaktivitetar i eigen klasse
- Praksisrelaterte arbeidskrav: Del 1: Prøve ut ulike ulike dans- og dramaaktiviterar Del 2: Planlegge, gjennomføre og vurdere eit tema- og prosjektarbeid i skulen der dans og drama står sentralt

KU300 101 Prosjektrapport som er knytt opp mot praksisrelatert arbeidskrav, del 2.
Vekting 50%
KU300 102 Praktisk prosjektarbeid i gruppe. Arbeidet munnar ut i ei framvising med påfølgjande munnleg samtale med sensorane.
Det vert gitt individuell karakter. Tid: 3 dagar
Vekting 50%