Studiet er eit delvis nettbasert studium over to semester.
Førskulelærarar som arbeider på ulike nivå i barnehagesektoren: pedagogiske leiarar, styrarar, konsulentar og andre.
Studiet tek utgangspunkt i den nye barnehagelova og den nye rammeplanen for barnehage, og har som hovudmål å stimulere til kvalitetsutvikling på eigen arbeidsplass ved å bli betre i stand til å planleggje, gjennomføre, analysere og vurdere pedagogisk utviklingsarbeid.
Studiet er organisert i tre hovuddelar som samla skal gi studenten rom for å arbeide med felles fagleg teori, to valfrie fordjupingstema og konkret utviklingsarbeid på eigen arbeidsplass. Den felles faglege teorien er sett saman av:
- perspektiv på barnehagen som samfunnsmessig institusjon
- perspektiv på leiing, kompetanseutvikling og læring i organisasjonar
- perspektiv på pedagogisk utviklingsarbeid
Arbeidsformene er førelesingar, drøftingar og fagdebattar på nettet, arbeid med oppgåver på nettet og sjølvstudium. Bruk av datateknologi som læringsverktøy, til informasjon og kommunikasjon er grunnleggjande i studiet. Arbeidskrava skal gjennomførast ved hjelp av nettbasert pedagogisk støttesystem. Studentane må ha nettilgang
- To skriftlege oppgåver levert inn via nettet
- Obligatorisk frammøte til fellessamlingane i Sogndal
Aktiv deltaking i fagdebattar og drøftingar på nettet
PE390 001 Utviklingsarbeid, individuelt eller i gruppe
Vekting: 50 %
PE390 002 Ei skriftleg individuell heimeoppgåve over fem dagar. Oppgåva skal ha utgangspunkt i ei av dei skriftlege oppgåvene som inngår i arbeidskrava
Vekting: 50 %