Obligatorisk emne i andre semester i årsstudiet i organisasjon og leiing.
Semesteroppgåva skal gje studentane øving i:
· Skriftleg framstilling og drøfting av problemstillingar knytte til organisasjon og leiing
· Å bruke teori frå ulike delar av studiet i analyse av konkrete saker og saksfelt
· Samarbeid og kommunikasjon med rettleiar og medstudentar
Semesteroppgåva representerer ei oppsummering og avslutning av årsstudiet i organisasjon og leiing. Studentar som har gjennomført første semester av studiet har høve til å følgje emnet.
Studentane skal skrive ei individuell oppgåve med rettleiing frå faglærar. Emnet for oppgåva er sjølvvalt, men det skal godkjennast av faglærar på grunnlag av innlevert prosjektskisse.
Sjølvstendig arbeid med rettleiing frå faglærar. Det kan bli lagt opp til felles oppgåveseminar der studentane presenterer utkast til drøfting i gruppa.
Semesteroppgåva vil bli evaluert av ansvarleg rettleiar og eksternt oppnemnd sensor. Det vert nytta bokstavkarakter.