Studentane skal bli kvalifisert til å arbeide som personleg trenar (PT) og gruppetreningsinstruktør på treningssenter, friskvernsføretak, med mosjonsgrupper, i idrettslag og som sjølvstendig næringsdrivande. Studentane skal lære å planleggje og gjennomføre personleg trening og trening i grupper (sal/sykkel).
Emnet føreset B1 i idrett, eller kunnskapar i anatomi, fysiologi og treningslære på tilsvarande nivå som B1 idrett. Studentane må ha kunnskap om fysiologisk adaptasjon til styrketrening. Dette kan gjennomførast ved kurs på B2 idrett, fysisk aktivitet og helse. Kurset blir gjennomført i haustsemesteret (tre dagar med førelesing). I tillegg er det ein fordel om studentane har erfaring frå treningsstudio, salaktivitetar og sykkel, og er i rimeleg god form.
Personleg trenar:
- PT-rolla
- Sal, service og marknadsføring
- Testing
- Spotting
- Motivasjon og feedback
- Coaching og kommunikasjon
- Treningslære (styrke, uthald og rørsle)
- Tilrettelegging av ulike treningsprogram
- Praksis/eigenferdigheit
Sal:
- Treningslære salaktivitetar
- Skadeførebygging
- Planlegging av ulike timar
- Instruksjonsrolla
- Kommunikasjon og motivasjon
- Praksis/eigenferdigheit
Sykkel:
- Treningslære sykkel
- Skadeførebygging
- Testing
- Intensitetsstyring
- Planlegging av ulike timar
- Instruksjonsrolla
- Praksis/eigenferdigheit
Førelesningar, oppgåver (gruppe/individuelt) og praktiske timar i sal, på sykkel og i treningsstudio. Teori blir knytt til praktiske aktivitetar. Studentane må tileigne seg noko av kunnskapsmaterialet sjølve.
Studentane gjennomfører praksis i mindre og større grupper for kvarandre med rettleiing.
Obligatorisk oppmøte. Praktiske instruksjonsoppgåver, både individuelt og grupper.
Praktisk metodisk prøve sal og sykkel. Vurdering til greidd/ikkje greidd.
ID3-316 Fitness: Praktisk metodisk eksamen Personleg Trenar. Vurdering med gradert karakter.
Førebels pensumliste skal liggje føre ved studiestart. Endeleg pensumliste skal vere klar innan 15.februar for vårsemesteret