FP333 800 Fagleg-pedagogisk studium i kristendoms-, religions- og livssynskunnskap (KRL)

Studentane skal skaffe seg kunnskap om religionar og livssyn, med særleg vekt på kristendommen. Dei skal skaffe seg innsikt i barns livstolking, og få øving i å drøfte etiske utfordringar. Studentane skal førebu seg til arbeid med kulturmøte. Dei skal utvikle haldningar som gjer at dei møter barn, foreldre/føresette og andre vaksne med ulike livssyn med respekt og innsikt, og dei skal kunne legge opp verksemda slik at alle barn får støtte for sin eigenart og får respekt for andre sin. Faget skal og medverke til at studentane sin personlege vekst og refleksjon over eigen verdiforankring og praksis vert utvikla.

Etikk og verdigrunnlag:
- Etikkens grunnlagsspørsmål og tilhøvet til religionar og livssyn
- Det etisk forsvarlege i møte med etiske dilemma, konfliktar og barn i krise
- Yrkesetikk
- Verdigrunnlaget og samarbeid med heimen

Kulturelt mangfald:
- Hovudtrekk ved andre religionar og livssyn
- Kva religionar og livssyn inneber for identiteten
- Livssyns- og religionsminoritetar i Norge

Kristen tro og tradisjon:
- Sentrale bibelforteljingar og element i kristen tru
- Kristne høgtider og merkedagar
- Kristendommen i kulturen lokalt og nasjonalt

Nokre fadidaktiske tema:
- Barns føresetnader, førestellingar og spørsmål i møte med religion, livssyn og moral
- Religions- og kulturmøta i den fleirkulturelle barnegruppa
- Analyserte og reflekterte val i møte med det religiøse og livssynsmessige mangfaldet
- Samarbeid om praktiske løysingar for einskildborn på fagområdet

Teoretiske og praktiske emne skal utfylle kvarandre. Teoretisk innsikt og eigenopplevd aktivitet skal danne grunnlag for studentane når dei sjølv skal planlegge, legge til rette, gjennomføre og vurdere KRL-emne for barn. Tverrfagleg arbeid ligg til tema, og delar av undervisninga er fagundervisning som støtte for arbeid i temaet. Varierte arbeidsformer der mellom anna studentaktive og problembaserte læringsformer vil bli nytta. IKT vil inngå som ein naturleg del av studiet. Sjå plan for semesteret.

20 veker praksis integrert i fagstudiet over tre studieår. Sjå studieplan for utdanninga.

- Det er obligatorisk oppmøte til delar av undervisninga. Kva delar dette gjeld skal gå fram av arbeidsplan for studiet.
- tverrfagleg arbeid knytt til praksisdag
- ei arbeidsoppgåve i gruppe ( pedagogikk og KRL)
- ei arbeidsoppgåve i gruppe (eller individuelt) ( KRL og drama)
- munnlege framlegg

2. studieår: Haustsemesteret
FP333 800 KRL: Skriftleg, individuell eksamen
Tid: 4 timar

Førebels pensumlitteratur:
Andre religionar og sekulære livssyn:
-Eidhamar, Levi Geir: Små mennesker – stort mangfold: religioner og livssyn i barnehagen.Kristiansand. Høyskoleforlaget AS 2002 Kapittel 1,2,3,5 og 6

- Følgende artiklar står i ett nummer av Barnehagefolk og vil komme i hyllene til Fjordbok:
Skeie, Geir: ” Har barn rett til religion?” og Pettersen, John Roald: ” Et overgep mot barn og foreldre.” Barnehagefolk nr. 4/2003. (I tillegg en artikkel, nevnt nedenfor, under Etikk.)

Etikk:
- Leer-Salvesen, Paul og Eidhamar, Levi Geir: Nesten som deg selv. Kristiansand.
Høyskoleforlaget 2001.
-(Artikel) Afdal, Geir: ”Hva kjennetegner den tolerante barnehagen?” Barnehagefolk nr. 4/2003.
Kristen tru og tradisjon og religionspedagogikk:
-Helje Kringlebotn Sødal: Kristen tro og tradisjon i barnehagen. Høyskoleforlaget. 2. utgave 2003.

-Rammeplan for barnehagen 2006 er grunnbok i alle emna i faget
-Bibelen er grunnbok for ”Kristen tru og tradisjon”