Sjukepleie i kommunehelsetenesta SK102

Denne studieplanen er utarbeidd med utgangspunkt i Sjukepleie, bachelorstudium etter rammeplan 2004, Høgskulen i Sogn og Fjordane. Den vart vedteken av dekan for avdeling for helsefag i 2006. Ei revidert utgåve vart vedteken av dekan for avdeling for helsefag den 15. juni 2007.

Studiet vert tilbydd utvekslingsstudentar og omfatter sjukepleiefaglege emne i kommunehelsetenesta.

Emnet inngår i bachelorgrad i sjukepleie.

Utvekslingsstudentar frå andre sjukepleieutdanningar som ønskjer utveksling til Høgskulen i Sogn og Fjordane. Studiet vert undervist på norsk og høver for studentar frå dei nordiske land eller andre utvekslingsstudentar som kan norsk.

Studenten

• Har kunnskap om sjukepleie som del av helse- og sosialtenesta, med vekt på eldre, kronisk sjuke og funksjonshemma, og utøver sjukepleie på bakgrunn av forskingsbasert og erfaringsbasert kunnskap
• Har forståing for aktuelle faglege problemstillingar, syner ei kritisk og analytisk haldning og tek del i endringsprosessar
• Har handlingsberedskap til å leie og administrere sjukepleie overfor grupper av pasientar og medarbeidarar
• Utøver sjukepleie i tråd med sentrale verdiar i sjukepleie og i helsetenesta, syner etiske refleksjon og har etisk handlingsberedskap
• Samarbeider målretta med pasient, hans/hennar nettverk og andre yrkesgrupper
• Har kunnskap om korleis helsesvikt og sjukdom ytrar seg hjå eldre
• Har innsikt i korleis langvarig helsesvikt verkar inn på den einskilde og pårørande sin livssituasjon
• Etablerer og vidareutviklar relasjonar som bidreg til meistring hjå brukarar og deira familie i samband med akutt og langvarig helsesvikt
• Kan dokumentere og evaluere eiga utøving av sjukepleie

Studenten må ha fullført og greidd 90 studiepoeng av eit bachelorstudium i sjukepleie. I andre gradssystem vil det vere naudsynt med særskilt vurdering. Må ha teoretisk kunnskap om sjukepleie i kommunehelsetenesta.

Ideologi, etikk og rammer for sjukepleie

• Sentrale politiske og juridiske rammer for kommunehelsetenesta
• Familieperspektiv, pårørande som aktørar i helsetenesta og nettverksarbeid
• Yrkesetikk og etiske dilemma

Organisasjon, ideologi og etikk

• Sentrale politiske og organisatoriske rammer for sjukepleie i kommunehelsetenesta
• Kronisk sjukdom – livskvalitet og brukarperspektiv
• Familieperspektiv og nettverksarbeid
• Yrkesetikk og etiske dilemma
• Tverrfagleg og tverretatleg samarbeid, sakshandsaming
• Leiing, sakshandsaming og tilrettelegging av tenestetilbod

Handlingsberedskap og handlingskompetanse i sjukepleie til dei aktuelle målgruppene

• Heimen som arena for sjukepleie og konsekvensar for utøving av sjukepleie
• Kartlegging av behov for sjukepleie, geriatrisk sjukepleie
• Helsefremmande og førebyggande sjukepleie, behandling, lindring, (re)habilitering retta mot målgrupper i heimetenestene
• Individuell plan og brukarmedverknad, samarbeid med pårørande
• Handsaming av legemidlar
• Helsepedagogisk verksemd retta mot pasientar og pårørande og undervisning og rettleiing av medarbeidarar og studentar/elevar

Organisasjon, leiing, fagutvikling og pedagogikk

• Leiing og tilrettelegging av tenestetilbod
• Tverrfagleg og tverretatleg samarbeid
• Kvalitetssikring og kvalitetsutvikling

• Forelesningar, gruppearbeid og øvingar i gruppe
• Praksisstudiar
• Skriftlege arbeid, lærarrespons

8 veker praksisstudiar i heimebaserte tenester

• Obligatorisk frammøte til praksisstudiar
• Obligatorisk deltaking i praksisretta undervisning (PU)
• Arbeid med skriftlege oppgåver
• Evnt hospiteringspraksis

SK102-001 Praksis i heimebaserte tenester/omsorgsbustadar. Greidd/ikkje greidd.

SK102 Mappevurdering i kommunehelsetenesta. Individuell. Bokstavkarakter
Arbeidsmappe: To skriftlege arbeid innan kommunehelseteneste
Presentasjonsmappe: Eit av arbeida skal inngå i presentasjonsmappa. Arbeidet skal velgjast ut av lærar.

Ved karakteren F eller ved forbetring av mappa vert det ny utveljing blant dei skriftlege arbeida i arbeidsmappa. Eit arbeid blir valt ut av fagtilsette.

Sjølvvalt litteratur 300 sider.