Emnet tilsvarar to emne i masterstudiet i organisasjon og leiing: ”OR682 Leiing av pedagogisk verksemd” og ”SA668 Utdanningspolitikk og pedagogisk leiing”
Studiet er vidareutdanningstilbod til lærarar i grunn- og vidaregåande skular. Studiet inngår som obligatorisk del i årseining i Utdanningsadministrasjon. Studiet inngår også som obligatorisk del av masterutdanning i organisasjon- og leiing, fordjuping i utdanningsleiing.
Sudiet er relevant for lærarar og leiarar i grunnskule, vidaregåande skule og høgskule/universitet.
Målet er at studentane skal utvikle:
- ei grunnleggande forståing for skulens mandat og eiga rolle som pedagogisk og administrativ leiar på skole- og kommunenivå
- ferdigheiter og evne til refleksjon over teori og erfaringsbasert kunnskap og samstundes få kjennskap til forskingsbaserte metodar for skuleutvikling
- kompetanse i å leie og organisere læringsforløp slik at medlemmane i organisasjonen lærer
- kompetanse i å fungere som rettleiarar og ressurspersonar i utviklingsprosjekt der entreprenørskap står sentralt
- kompetanse i å analysere utdanningspolitiske dokument og prosessar
Studentane må ha godkjent pedagogisk utdanning frå høgskule eller universitet, samt to års praksis frå yrket dei har kvalifisert seg til.
Det blir langt vekt på refleksjon rundt eigen praksis i samspel med teoretisk forståing av sentrale faglege tema som:
- Skuleleiaren som arbeidsgjevar og relasjonsbyggar. Ulike leiarroller, personalleiing, administrativ og økonomisk leiing, rettleiing som leiingsverktøy, kommunikasjon og konflikthandtering.
- Pedagogisk leiing. Leiing av lokalt læreplanarbeid, realisering av ”Kunnskapsløftet”, kvalitetsvurdering, kompetanseutvikling.
- Leiing og endring i organisasjonar. Forståing av skular som organisasjonar, systemiske perspektiv på endringsleiing, læring i organisasjonar.
- Leiing av skular som regionale og lokale utviklingsaktørar. Sentrale perspektiv i regional- og kommunalforskinga i Noreg. Utvikling av entreprenørskapstenking mellom lærar, elevar, foreldre og lokalmiljø med utgangspunkt i analysar av lokale ressursar
- Skuleleiing i den nye kommunen. Kommunalpolitiske og utdanningspolitiske endringar etter kommuneloven av 1992. Nye rektorroller som følgje av endring i kommunal organisering. Samspelsformer mellom leiinga ved skulane og rådmannens leiargruppe og politiske organ.
Studiet blir bygd opp slik at studentane samtidig gjennomfører faktiske utviklingstiltak i eigen organisasjon. På første samling klårgjer studentane grunnlaget for eit eige lokalbasert utviklingsprosjekt som det blir arbeidd med teoretisk og praktisk gjennom heile studiet. Planen for dette prosjektet skal involvere både lærarar, elevar, foreldre og lokalmiljø. På samlingane vil ein knyte teoretiske innfallsvinklar og arbeid i basisgrupper til det lokale utviklingsprosjektet til kvar deltakar. Opplegget vil også bli studentaktivt og dokumentasjonsbasert gjennom bruk av den elektroniske læringsplattforma ’Fronter’, der praktisk og teoretisk arbeid mellom samlingane blir gjennomført i kvar basisgruppe i kontakt med fagleg rettleiar på høgskulen. For å forankre utviklingsprogrammet både oppover i den kommunale organisasjonen og nedover mellom tilsette ved kvar skule, tar vi sikte på at også rådmannsnivået og klassetrinnslærar får ei tilknyting til utviklingsprosjektet.
Gjennom studiet skal studentane i eiga elektronisk mappe dokumentere utviklinga av det lokalbaserte utviklingsprosjektet sitt. Studentane skal i den elektroniske mappa også utarbeide plan- og refleksjonsdokument knytt til kvar samling.
OR300 001Leiing av skuleutvikling: Mappevurdering, inkludert vurdering av rapport for lokalt utviklingsprosjekt.
OR300 002 Leiing av skuleutvikling: Individuell, munnleg eksamen.
Studentane skal i samband med sluttvurderinga legge til rette eit sett mappetekstar der sluttrapporten for det lokale utviklingsprosjektet skal stå sentralt. Den munnlege eksamen tar utgangspunkt i det lokale utviklingsprosjektet og pensumsliteraturen.
Vurdering: Bestått / ikkje bestått. Begge deleksamenane må vera bestått før studiet vert godkjent.
Ved stryk kan omarbeidde tekstar leverast.
Langfeldt, G. og Sivesind, K. (2006): Utdanningsledelse. Oslo: Universitetsforlaget ( 250 s )
Langfeldt, G m.fl (2007): Accountability på norsk. Oslo: Cappelen (200s. ) ( NB: Denne boka kjem i desember 2007)
Lillejord, Sølvi (2003): Ledelse i en lærende skole. Oslo: Universitetsforlaget.( 230 s.)
Møller, J. og Sundli, L (2007).: Læringsplakaten – Skolens samfunnskontrakt. Oslo: HøyskoleForlaget (250 s.)
Skogen, K. (2006): Entreprenørskap i utdanning og opplæring. Oslo: Gyldendal akademiske (200s.)
Stålsett, U. (2006): Veiledning i en lærende organisasjon. Oslo: Universitetsforlaget (350 s.)
I tillegg kjem 4-500 s. s fagartiklar og aktuelle utdanningspolitiske dokument