IDRETT, FYSISK AKTIVITET OG HELSE, 3. ÅR BACHELOR

Studiet har ein fagleg profil retta mot idrett, fysisk aktivitet og helse, og gir kompetanse innan fleire perspektiv knytt til den faglege profilen (idrett, fysisk aktivitet og helse). Studiet høver for studentar som har ei 2-årig idrettsutdanning og som ynskjer meir idrettsfagleg kompetanse. Studentar med fullført B2 Idrett, fysisk aktivitet og helse har fortrinnsrett til studieplassane. Studiet vil kunne gå inn som 3. studieår i bachelorgrad Idrett, fysisk aktivitet og helse etter fullført B1 idrett og B2 idrett, fysisk aktivitet og helse.

Saman med B2 Idrett, fysisk aktivitet og helse, gjev fullført studium vitnemålet ”Bachelorgrad i idrett, fysisk aktivitet og helse”.
Studiet gjev grunnlag for opptak til mastergradstudium ved t.d Norges Idrettshøgskole.

Studentar som har B2 Idrett, fysisk aktivitet og helse og vil byggje det ut til bachelorgrad. Studentar som ønskjer ei påbygging i idrett, fysisk aktivitet og helse.

Studentane skal få innsikt i samanhengar mellom fysisk aktivitet, livsstil og helse. Studentane skal få erfaringar i å planlegge, leie og gjennomføre fysisk aktivitet for individ/grupper med ulike diagnoser/helseproblem.
Studiet er del av ei utdanning som kvalifiserar til yrkesfunksjon som rådgivar i det offentlege, treningsrettleiar i den kommersielle treningsbransjen, idrettsinstruktør på institusjonar og lærar i ulike skuleslag.

Fullført 1.år bachelor idrett eller helserelatert utdanning.

Idrettsmedisin (5 sp)
Førebyggande og helsefremjande fysisk aktivitet II (15 sp)
Helsepsykologi (5 sp)
Ernæring (5 sp)

I vårsemestret vel studentane 30 sp valfrie modular. Studentane kan velje om dei vil ta dei valfrie modulane ved HSF, annan høgskule, universitet i Norge eller i andre land. Valfaga HSF kan tilby vil bli presentert for studentane ved studiestart.

Varierte arbeidsformer, arbeid med teori, praktisk eigenaktivitet og praksis.

Praksis i treningssenter/institusjon/skule tilsvarande 3 veker arbeid.

Arbeidskrava går fram av emneomtalane.

Sluttvurdering går fram av emneomtalane.

Førebels pensumliste skal ligge føre ved studiestart og endeleg pensumliste skal ligge føre innan oppmeldingsfristen til eksamen. For haustsemesteret er denne fristen 15.september og for vårsemesteret 15. februar.