FRILUFTSLIV, BACHELORSTUDIUM

Bachelorstudiet i friluftsliv er ei avsluttande 3-årig utdanning som gir bachelorgrad.
Studiet gir undervisningskompetanse i grunnskule, vidaregåande skule og folkehøgskule. Studiet gir og grunnlag for arbeid med idrett og friluftsliv innan frivillige institusjonar, helse- rehabilitering og den kommersielle naturbaserte reiselivsbransjen. Fullført bachelorgrad i friluftsliv gir grunnlag for opptak til masterstudium ved NIH og ved Høgskulen i telemark (HIT).

Målgruppa er studentar som ønskjer ei samanhengande 3-årig friluftsliv/idrettsutdanning og studentar som ønskjer å ta ei friluftslivsutdanning som kvalifiserer til etterfølgjande mastergradstudium i friluftsliv.

Studiet skal gi grunnleggande praktiske ferdigheitar i friluftsliv, med utgangspunkt i den natur og kultur som finnast i regionen. Studiet skal gi studentane kompetanse i å formidle friluftslivsaktivitetar ved at studentane tileignar seg ferdigheitar i å planlegge, leie og gjennomføre utvalde friluftslivsaktivitetar. Studentane skal og tilegne seg kunnskapar om, innsikt i og evne til kritisk vurdering av verdiar og holdningar som pregar vår levemåte og ulike former for friluftsliv, samt dei konsekvensar disse har for forholdet mellom menneske, natur, kultur og samfunn.

Opptakskrav til bachelorstudiet i friluftsliv er generell studiekompetanse.

Studiet inneheld dei tre studia 1. år bachelor idrett, 2. år bachelor friluftsliv, og 3. år bachelor friluftsliv. Det siste året i studiet inneheld valemne på til saman 30 stp.

Studiemodell

Undervisnings- og læringsformene er varierte og vil veksle mellom førelesningar, gruppearbeid, individuelt arbeid og ekskursjonar. Lærestoffet skal så langt som råd verte integrert og erfart i den praktiske undervisninga. Nærare omtale vil gå fram av dei einskilde emneomtalane.

Det er innlagt praksis i første og andre studieår. Nærare omtale er under kvart studieår.

Høgskulen har utvekslingsavtalar med universitet og høgskular i Australia, Nederland og i Norden gjennom Erasmus og Nordplus- programma. Det er spesielt lagt til rette for studieopphald i utlandet i tredje studieår.

Det er arbeidskrav knytt til kvart studieår. Arbeidskrava går fram av emneomtalane.

Det treårige bachelor studiet i friluftsliv inneheld mange obligatoriske ekskursjonar og overnattingsturar som er definert som arbeidskrav. I samband med slike ekskursjonar må studentar ved HSF være budd på å betale ein eigenandel. Vi viser til HSF sitt fellesreglement for dekking av bu – og reiseutgifter: www.hisf.no/studadm/reglement/bu-reiseutgifter.htm

Evalueringsformene skal gjenspegle innhaldet i studiet og omfattar: mappe, munnlege og skriftlege eksamenar.

Førebels pensumliste skal ligge føre ved studiestart. Endeleg pensumliste skal vere klar innan 15. september for haustsemesteret og 15. februar for vårsemesteret.