Ressursgeologi, bachelorstudium

Det 3-årige bachelorstudiet i ressursgeologi er ei sjølvstendig yrkesutdanning. Emne i fjerde semester kan undervisast på engelsk dersom internasjonale studentar deltar.

Bachelorstudiet inneheld to studieretningar: 1) Petroleumsgeologi og 2) Ressursgeologi med plan- og forvaltningsfag. Studieretninga petroleumsgeologi byggjer på eit samarbeid med Seksjon for Ingeniørutdanning i Førde.

Fullført studium gir rett til vitnemålet ”Bachelorgrad i ressursgeologi”. Studiet kan danne grunnlag for vidare studiar mot sivilingeniør eller mastergrad ved andre høgskular og universitet. Overgangsordningar til NTNU er under arbeid. Det etablerte geologistudiet har i mange år rekruttert studentar til universiteta, særleg Universitetet i Bergen.

Studiet høver for alle som ønskjer å ta ei utdanning til næringar som no er i sterk vekst, både petroleumsnæringa, bergverk, byggeråstoff og fleire.

Studiet er ei sjølvstendig yrkesutdanning . Det kan og danne grunnlag for vidare studiar til sivilingeniør og mastergrad. Studiet gir ein brei naturfagleg bakgrunn med spesialisering i geologi og teknologiske fag som skal gje grunnlag for arbeid i petroleumsindustrien eller bergindustrien, miljøsektoren, tekniske etatar eller skuleverket.

Ingen nye opptak etter hausten 2004

Studiet er bygd opp etter emne- og studiepoengsystemet. Dei fleste emna vert avslutta med eksamen, og har studiepoeng etter arbeidsmengde. Bachelorstudiet har emne tilsvarande 180 studiepoeng (60 studiepoeng pr. år). Nærare omtale av kvart emne finst under emneomtalane.

Det faglege innhaldet i studiet femner om fag innan petroleum, grunnvatn, mineralske ressursar og industriretta emne.

Omtale av undervisnings- og læringsformer går fram av emneomtalane. I nokre emne er det obligatoriske ekskursjonar og feltarbeid. Studentane må rekne med å betale eigendel for reise og opphald, jmf. HSF sitt reglement for dekning av bu- og reiseutgifter for studentar.

Det er lagt til rette for relevant arbeidspraksis i industri og anna næringsliv.

Det er lagt til rette for studieopphald i utlandet i fjerde og/eller femte semester. Høgskulen har samarbeidsavtalar for studentutveksling med universitet i Tyskland, Nederland og USA.

Dei fleste emna har obligatoriske arbeidskrav i form av laboratorieøvingar, feltarbeid eller ekskursjonar. Emneomtalane gir nærare informasjon om arbeidskrav.

Vurderingsforma går fram av emneomtalen for dei einskilde emna.

Pensum er oppgitt under kvart emne.