MATEMATIKK 2, MA332

Vidareutdanning, valfritt fag i 3. og 4. studieår i den 4-årige allmennlærarutdanninga. Studiet er godkjent som fordjupingsemne for opptak til masterstudiet Tilpassa opplæring - mastergrad i lærarutdanning.

Valfritt fag i 3. og 4. studieår i den 4-årige allmennlærarutdanninga. Vidareutdanning for allmennlærarar

Studentane skal:

• Utvikle eit fagleg og didaktisk grunnlag for å kunne planleggje, gjennomføre og vurdere matematikkundervisninga etter gjeldande læreplan for grunnskulen.
• Utvikle god forståing for og beherske sentrale matematiske begrep
• Utvikle evne til undring og refleksjon, kritisk og kreativ tenking, problemløysing og samarbeid i arbeidet med matematikk
• Utvikle sjølvstendig, engasjert og utviklingsorientert forhold til matematikkundervisning
• Utvikle evne til analyse av eiga læring, eige forhold til matematikk og eiga undervisning
• Tileigna seg kunnskap om og forståing for matematikken sin plass og utvikling i ulike kulturar

Lærarutdanning (allmennlærar, faglærar, praktisk-pedagogisk utdanning eller førskulelærar med fullført PAPS/GLSM F) og
greidd eksamen i matematikk 1 (obligatorisk emne i allmennlærarutdanning).

Dette er eit fagleg didaktisk emne i matematikk. Innhaldet i emnet er bygd opp av følgjande tema:

• Funksjonslære som omfattar studiet av eigenskapar ved funksjonar
• Statistikk og sannsynsrekning
• Didaktikk som omfattar vurdering og refleksjon over praksis og over eiga læring.

Studiet er organisert med regionsamlingar, lokale studiegrupper og individuelt arbeid. Arbeidsformer på regionsamlingane er førelesingar og arbeid og øvingar i mindre grupper. Mellom samlingane føreset me aktiv bruk av studiegrupper. IKT, vert nytta aktivt som kommunikasjons- og informasjonskanal. IKT skal understøtte læringa og samhandlinga mellom kursdeltakarane på regionsamlingar, på gruppesamlingar, i kontakt mellom kursdeltakarar og mellom kursdeltakarane og kurshaldarane (informasjon, dialog, rettleiing). Internett skal nyttast til å innhente informasjon og kunnskap.

Studiet inneheld to veker praksis for studentar i allmennlærarutdanninga.

Deltaking i 8 gruppearbeid:
- Tre i statistikk og sannsynsrekning
- Tre i funksjonslære
- To i didaktikk

a) MA 332 002 Individuell, skriftleg eksamen i funksjonslære, 1. semester,
Eksamenstid: 6 timar
b) MA 332 001 Individuell, skriftleg eksamen i statistikk og sannsynsrekning, 2. semester,
Eksamenstid: 6 timar
c) MA 332 003 Individuell munnleg eksamen, 2. semester
Studentane vil bli eksaminerte i didaktisk teori med utgangspunkt i gruppeoppgåver og/eller praksisrapport.
Dei tre eksamenane bli vekta likt.

Omlag 1200 sider