Studiet er eit tilbod til internasjonale studentar som ynskjer kunnskap om norsk språk og samfunnsliv. Studiet vert også tilbydd til norske studentar.
Studiet kan inngå i ein bachelorgrad med 30 studiepoeng.
Målgruppa er internasjonale studentar som kjem til HSF for eit opphald på inntil eitt semester. Studentar kan velje å ta heile, eller deler av studiet, eventuelt kombinere emne frå studiet med andre emne som høgskulen tilbyr.
Studiet skal gi internasjonale studentar kunnskap om og praktisk øving i norsk språk. Studentane får og kjennskap til grunnleggjande trekk i norsk økonomi og norsk velferdspolitikk.
Opptakskravet er generell studiekompetanse med unntak av krav til norskkunnskapar.
Studiet er sett saman av tre emne:
Norsk for framandspråklege, 10 studiepoeng
Norsk økonomi i eit internsajonalt perspektiv, 10 studiepoeng
Norsk velferdspolitikk, 10 studiepoeng
I studiet vil det bli nytta varierte arbeidsformer. Praktiske språkøvingar, innlevering av skriftlege arbeid, førelesingar og arbeid i grupper.
Arbeidskrava går fram av emneomtalane
Sluttvurderinga går fram av emneomtalane