5400 Reiseliv og samfunn.
Hovudsiktemålet med emnet er å få fram særtrekk ved ulike typar reisemål og viktige element som må til for å lykkast med utviklinga av reisemål.
-4 timar pr. veke i haust- og vårsemesteret. Undervisninga vil variere mellom tradisjonelle førelesingar, seminarprega undervisning, prosjektarbeid, øvingsoppgåver, studentpresentasjonar og skriftlege rapporteringar/innleveringar.
Emnet skal gi studentane ei grundig innføring i ulike problemstillingar knytt til reisemåls-/destinasjonsutvikling. Arbeidet vil starte med ei drøfting av sjølve destinasjonsomgrepet. Deretter vil ein sjå på ulike typar reiselivsdestinasjonar og viktige element i utviklinga fram til i dag. Natur- og kulturarv som grunnlag for å utvikle reisemål er eit viktig delemne saman med reisemål basert på kulturminne og kulturytringar. Mellom anna vil storbykultur bli tatt opp som tema. Utvikling av komplementære produkt vil stå sentralt, og ein vil særleg leggje vekt på destinasjonane og samspelet mellom private og offentlege aktørar. Konsekvensar av destinasjonsutvikling for lokalsamfunn vil og bli drøfta.
Mappeevaluering med individuelle arbeid (25%), gruppeoppgåve (15%) og avsluttande skriftleg individuell eksamen, 4 timar (60%). Alle delprøver må vere bestått.