Emnet skal gi studentane grunnlag for arbeidet med ulike fag seinare i studiet der kjennskap til matematisk analyse og metode er viktig.
6-8 timar i veka i haustsemesteret.
Emnet gir ein innføring i grunnleggande matematisk analyse og i sannsynleghetsrekning. Ein ser først på heilt grunnleggande matematiske omgrep og reknearbeid. For funksjonar av ein variabel ser ein på: Derivasjon, integrasjon, kurvedrøfting og optimering. Deretter kjem eksponensial- og logaritmefunksjonar og finansmatematikk. I funksjonar av fleire variablar tek ein opp partiell derivasjon og ekstremalproblem. I sannsynleghetsrekninga ser ein på: Diskrete sannsynleghets-modellar, utfall, kombinatorikk og utval, betinga sannsynleghet og uavhengighet.
Mappeevaluering med 1 times skriftleg, individuell midtprøve og 4 timars skriftleg, individuell sluttprøve. Midtprøva tel 20% og sluttprøva tel 80% av sluttkarakteren.