Gjennom studiet i biologi skal studentane tileigne seg:
- kunnskapar i og erfaringar med feltarbeid og planlegging av feltarbeid
- kunnskapar om jordas klimasoner og klimatiske vegetasjonssoner
- verdas florarike og viktige kulturvekstar i verdas jordbruk
- marin biogeografi
- fagleg fordjuping i ein biogeografisk region utanom Norden
- kunnskapar om utviklinga av plante- og dyregeografiske regionar
- kunnskapar i generell dyregeografi
- erfaring med planlegging, gjennomføring og evaluering av ulike undervisningsformer, inkludert bruk av IT i biogeografi
- kunnskapar og opplevingar som kan stimulere til vidare fagleg fordjuping og utvikling
IKT basert, einskilde seminar, 40 t feltkurs på Mallorca (april)
Hovudemnet er bygd opp omkring plante- og dyregeografiske regionar. Gjennom arbeidet med dette emnet, skal studentane skaffe seg oversikt over geografisk lokalisering og fordelinga av hovudtypar økosystem på jorda. Dei skal tileigne seg kunnskapar om sentrale omgrep og metodar i økosystemkartlegging. Ein skal leggje vekt på faktorar som påverkar utviklinga av ulike økosystem. Biologiske faktorar må vurderast i forhold til økonomiske og kulturelle faktorar. Emnet inneheld eit obligatorisk feltkurs på minst 40 timar. Feltkurset bør leggjast til fordjupingsregionen. Forvaltning av truga artar og ei berekraftig utvikling av økosystema inngår i emnet. Studentane skal også arbeide med tilrettelegging og planlegging av undervisning i emnet biogeografi. I hovudemnet inngår også studiar av nordiske økosystem.
Godkjend feltrapport
Skriftleg 5 timars eksamen