Byggjer på 4005 Biologi og miljø, 4208 Viltøkologi og viltforvaltning, 4207 Ferskvannsfiske og vannressursforvaltning og 4205 Bevaringsbiologi eller tilsvarande kunnskapar
Emnet skal gi felt- og laboratorieerfaring i planleggjing, gjennomføring, utarbeiding, samanskriving og framleggjing av naturvitskaplege feltundersøkjingar av vilt og fiskebestandar basert på ulike vitskapelege metodar.
Obligatorisk: 50 timar seminar/rettleiing i innsamling, utarbeiding, samanskriving og framleggjing av innsamla feltdata. Eige feltarbeid: ca 80 timar.
Studentane skal delta i feltarbeidet på to feltbiologiske forskingsprosjekt. Undersøkingane vil omfatte nokså typiske problemstillingar tilknytt fangstmetodar, videoovervakning, analyse og forvaltning av vilt- og fiskebestander. Typiske problemstillingar vil vere estimat av bestandsstorleik, konkurranse mellom artar om for eksempel mat, innverknad av beite på skogsstruktur og artssamansetjing, diett- og habitatval, kjemisk kommunikasjon m.m. Til slutt skriv studentane ein rapport frå eit av dei to prosjekta der dei også trekker inn relevant vitskapeleg litteratur i diskusjonen av resultata. Denne rapporten skal leggast fram både munnleg og skriftleg, og gi grunnlag for endeleg karakter i emnet.
Det blir sett karakter på grunnlag av ei vurdering av den innleverte feltbiologiske forskingsoppgåva.