Ei rettleia oppgåve skal gi særskilt innsyn i eit utvalt fagleg tema på masternivå og i å framstille dette i skriftleg form.
Ei oppgåve på inntil 20 studiepoeng kan leggjast opp etter avtale, der rettleiar blir oppnemnt spesielt for denne delen. Slik oppgåve er normalt bare aktuell dersom tilgjengelege valfag ikkje gir god fagleg innpasning.
Oppgåva kan ha karakter av å vere ei mindre utgreiingsoppgåve eller eit litteraturstudium av originallitteratur innanfor eit valt tema.
Oppgåva skal avsluttast med ein rapport/essay som blir evaluert av ekstern sensor saman med rettleiar(ar).
Studentar som legg opp rettleia oppgåve, blir eksaminert i denne under den munnlege sluttprøva. For desse blir det gitt ein sjølvstendig karakter som blir ført på vitnemålet. Den rettleia oppgåva skal vere bestått.