Retningslinjer til særavtalen

RETNINGSLINJER TIL SÆRAVTALEN – FRÅVER FRÅ FAKULTETET

Vedtatt av styret ved det juridiske fakultetet 9.12.99 (JF 74/99) med heimel pkt 1, 2. ledd i særavtale 10.5.99 om lønns- og arbeidsvilkår for undervisnings- og forskarstillingar ved universitet og høgskular. Endra 19.08.04 (JF 51-04 200404300)

I. Følgjande retningslinjer til særavtale om lønns- og arbeidsvilkår for undervisnings- og forskarstillingar skal gjelda:

1. Alle fråver skal meldast. Fråver på frå seks dagar til ein månad skal vera godkjent av dekan. Det same gjeld når summen av eigenmelde fråver er på over tre veker i løpet av eitt år. Fråver på over ein månad skal vera godkjent av fakultetsstyret innafor fakultetet sine fullmakter.
   
2. Døme på faglege fråver som kan godkjennast er (jf merknad til pkt 1, 2. avsnitt i særavtalen):
   • Faglege møte, konferansar, forskaropplæring og o.l.
     
   • Datainnsamling.
     
   • Bedømmelse, doktordisputas.
     
   • Gjesteforelesingar, formidling m.v.
     
   • Besøk ved samarbeidande institusjonar o.l.
     
   • Ekstern sensor- og undervisningsverksemd.
     
   • Eksternt komitéarbeid.
     
   • Studentekskursjonar.
   
   
3. Arbeidsstad utanfor fakultetet (jf siste avsnitt i merknad til pkt 1, 2. avsnitt i særavtalen). Flytting av arbeidsstad utanom fakultetet (”heimekontor”) kan avtalast etter konkret vurdering av føremålet.
   
4. Fråver som ikkje er nødvendige for å utføra arbeidet ved fakultetet (ekstern undervisnings- og sensorverksemd m.v.) skal som hovudregel ikkje vara meir enn til saman inntil fire veker pr år. Føresetnaden er at arbeidsplikta ved fakultetet er oppfylt/blir innarbeidd, jf pkt 2.2. i særavtalen
   
5. Fråver som ikkje er godkjende kan føra til trekk i lønn etter vedtak av fakultetsstyret.