Jur.fak. - Fakultetsstyret

MØTEREFERAT

Møte i: Styret ved Det juridiske fakultet
Møtedato: Torsdag 30.01.03 kl. 09.15
Til stede: Cathrin Carlyle (observatør) Per Christiansen, Henrik Flod, Kari Gabrielsen, Tore Henriksen, Kristin Solberg (ikke sak 03, 05, 06 og 07-03) og Gislaug Øygarden (observatør)
Referent: Olaug Husabø
Arkivref.: 200300427-2/ILS/MØTEBOK

Sak 01.03 vart behandla sist.

SAK JF 01-03 MASTERGRADEN
(Arkivsak: 200200704)

Dekan takka fagteama for arbeidet så langt, og gav ros for godt utført arbeid.

Styret tok til følgje at tittelen på graden skal vera master i rettsvitskap, og endra nemninga på studieplanen i samsvar med dette. Det vedtok og å utsetja behandlinga av 5. avdeling.

Fagplanane består mellom anna av fag, fagbeskrivingar, pensum, undervisningsmåtar og læringsformer. Styret legg til grunn at det skal handsama fagbeskrivingane, medan studieutvalet skal vedta pensum.

Styret vedtok at ein skal bruka nemninga pensum, og ikkje hovudlitteratur, som er føreslege av fagteama. Det vart presisert at pensum bør vera på 35 sider pr studiepoeng (sp) med eit lovleg avvik på +/- 10%. Større avvik må forklarast særskilt. Styret vedtok at det ikkje skal nyttast tilleggslitteratur i fagplanane. Styret opna for bruk av alternativt pensum i fag der det finst likeverdig litteratur. I første omgang skal ei slik ordning prøvast i EU-/EØS-rett og i folkerett.

Det var delt ut to notat i tillegg til dei dokumenta som følgde med styresaka:
- Notat 29.1.03 om etikk på mastergraden frå metode- og perspektivfaggruppa.
- Notat frå 29.1.03 frå Cathrin Carlyle med oppsummering av diskusjonen i metode- og perspektivfaggruppa omkring lærebokprosjekt.

Styret gjorde elles følgjande vedtak:

1. Lærebokprosjekt
SU vert bedt om å utarbeida framlegg til strategi for lærebokprosjektet, som skal leggjast fram for styret. Strategien bør innehalda ei utgreiing om kva som eventuelt skal skrivast, kor mykje tid som bør setjast av til det, når prosjektet skal starta og kven som bør spørjast om å skriva.

Desse prinsippa skal leggjast til grunn for strategien:
- I fag med god nok lærebokdekning/litteratur skal lærebokprosjekt ikkje prioriterast på dette stadiet av reforma.
- Doktorgradsstudentar bør som hovudregel prioritera doktorgradsarbeidet.

Styret føreset at dette vert behandla på førstkommande møte i SU.

Vedtaket var samrøystes.

2. Studieplan:
1. avdeling:
Erstatningsretten vert flytt til 2. avdeling. Etter dette får 1. avdeling slik studieplan:

Ex. phil., 10 sp (SV-fakultetet)
Ex. fac., 10 sp:
- innføring i rettsfilosofi, 3 sp
- innføring i rettsstudiet med rettskildelære, 5 sp
- innføring i rettens internasjonale karakter, 2 sp
Innføring i offentlig rett, 20 sp:
- folkerett, 8 sp
- statsrett, 12 sp
Innføring i privatrett 20 sp:
- praktisk juridisk metode
- avtalerett, 10 sp
- familie- og arverett, 10 sp.

2. avdeling:
Avdelinga skal ha slik studieplan:

Metode- og perspektivfag: rettshistorie og rettens internasjonalisering, 8 sp
Erstatningsrett, 7 sp
Alminnelig forvaltningsrett, 20 sp
Spesiell forvaltningsrett, 15 sp
EU-/EØS-rett, 10 sp

Fagteamet blir bedt om å føreslå fordeling av studiepoeng mellom faga velferdsrett og miljø- og ressursrett under spesiell forvaltningsrett, gjerne med innslag av alternative fag.

3. avdeling
Selskapsretten går ut. Fagteamet vert bedt om å føreslå korleis dei 5 studiepoenga skal nyttast, men at dei primært bør brukast i tingsrett. Teamet vert også bedt om å vurdera om denne justeringa er tilstrekkeleg for å gi innhaldet på 3. avdeling passelege dimensjonar i høve til tidsnormeringa. I den samanhengen vert det bedt om å sjå på om faga panterett og/eller gjeldsforfølgingsrett bør fjernast eller reduserast til oversiktsfag.

4. avdeling.
Avdelinga skal ha slik studieplan:

Metode- og perspektivfag:
- etikk og juridisk metode, 5 sp
- menneskerettigheter, 5 sp
- rettssosiologi eller rettsøkonomi (alternative fag), 5 sp
Strafferett, 15 sp.
Rettergang, 20 sp.
Prakisperiode (4 uker) med rapport, 5 sp.
Samerett, 5 sp.

Fordelinga mellom stats- og folkerett på 1. avdeling vart vedtatt med fire mot ei stemme. Mindretalet, Christiansen, voterte for 10 sp på kvart fag. Det vart semje om at urfolksretten skal vera ein del av folkeretten og ikkje skillast ut som eige fag.

Poengfordelinga mellom faget rettshistorie og rettens internasjonalisering, og faget EU-/EØS-rett på 2. avdeling vart vedtatt med tre mot to stemmer. Mindretalet, Henriksen og Solberg, voterte for 9 sp på kvart fag.

Vedtaket var elles samrøystes.

Merknader til fagbeskrivingane

Styret hadde desse generelle merknadene
- fagbeskrivingane bør ikkje overskrida ½ A4-side.
- der omfanget er endra, må det aktuelle fagteamet vurdera innhaldet i fagbeskrivinga og pensum i lys av endringa.
- beskrivingane bør utformast ut frå konkrete føremål. Dei bør m.a. ha fokus på kva studentane skal læra.

Konkret til dei enkelte avdelingane:

1. avdeling
Ex. fac., 10 sp: Beskrivinga må rettast opp i samsvar med endringa styret gjorde i møte 12.12.02 – JF 69/02. I beskrivinga av innføring i rettsstudiet med rettskjeldelære må etikkelementet inkorporerast i samsvar med etikknotat 29.01.03, der dette står: ”Under innføring i rettsstudiet gjøres studentene kjent med kandidatløftet og yrkesetikk for jurister.”

Innføring i offentlig rett, 20 sp:
- folkerett, 8 sp: Beskrivinga av urfolksretten må kortast vesentleg ned og inkorporerast i folkeretten.
- statsrett, 12 sp: Beskrivinga må kortast litt ned.

Innføring i privatrett med praktisk juridisk metode, 20 sp:
- praktisk juridisk metode, som følgjer av studieplanen er ikkje vurdert av fagteamet. Dette faget må og beskrivast, men det skal ikkje vektast.

- avtalerett, 10 sp. Innhaldet må reviderast på bakgrunn av studiepoengendringa. Reglane om tilsidesetjing av urimelege avtalar bør vera med.

- familie- og arverett, 10 sp. Det skal leggjast vekt på å få med kvinne- og menneskerettsperspektivet. Styret ber vidare fagteamet vurdera om dei enkelte elementa i faget skal vektast. Teksten bør kortast noko ned.

2. avdeling
Metode- og perspektivfag: rettshistorie og internasjonalisering av retten, 8 sp. Innhaldet må reviderast på bakgrunn av endringa i studiepoeng.

Erstatningsrett, 7 sp. Teksten bør kortast ned.

Alminneleg forvaltningsrett, 20 sp Beskrivinga bør bli meir utfyllande. Andre ledd (omtalen av både den generelle og den spesielle forvaltningsretten) kan stå som innleiing før omtalen av dei to faga.
Spesiell forvaltningsrett, 15 sp. Innhaldet må reviderast på bakgrunn av endringa i studiepoeng. I omtalen av velferdsretten bør det føyast til noko om menneskerettar (EMK og ØSK – bør dei med i faget?) Det bør også vurderast om det skal vera med noko internasjonal miljørett.
EU/EØS-rett, 10 sp. Beskrivinga burde bli meir utfyllande.

3. avdeling
Styret viser til endringa i studieplanen, og understrekar at auken i studiepoeng skal brukast slik at dei fremjar forståinga av faga og ikkje ta inn fleire emne (ikkje spreiing men fordjuping). Det vert elles påpeika at det ikkje er samhøve mellom poengsummen i panterett (6 sp i framlegget) og beskrivinga, når det står at siktemålet er å gi ”…ei grundig innføring…”

Fagteamet vert og bedt om å vurdera korleis etikk kan inkorporerast i beskrivingane, jf etikknotatet.

4. avdeling:
Metode- og perspektivfag:
- etikk og juridisk metode, 5 sp. Fagbeskrivinga må bli tydelegare, med større vekt på etikk. Det bør vurderast om etikk skal skillast ut som eige fag – eventuelt som eige kurs t.d. på 3 sp.
- menneskerettar, 5 sp. Styret ber fagteamet omarbeida faget med utgangspunkt i Steinsvik si tilbakemelding (vedlegg C til saksframlegget). Lærestoffet omkring EMK art 5 og 6 bør inn i prosessfaga.
- rettssosiologi eller rettsøkonomi (alternative fag), 5 sp. Beskrivingane bør gjerast klarare. I tillegg til eigne beskrivingar bør faga ha ei felles, som seier noko om faga si rolle mellom retten og samfunn. Beskrivinga av dei to enkeltfaga bør også bli meir konsistent (m.a. same omfang).

Strafferett, 15 sp. Ingen merknader.

Rettergang, 20 sp. Beskrivinga må reviderast slik at faget og omfattar rettane etter EMK art 5 og 6, og dei tilsvarande rettane i SP (FN-konvensjonen om sivile og politiske rettar).

Samerett, 5 sp. Teksten bør kortast ned.

SAK JF 02-03 REFERATSAKER

1. Referat fra møte i fakultetsstyret 12.12.02.
2. Referat fra møte i Studieutvalget 27.11.02.
3. Referat fra møte i Klubb 7 - 19.12.02
4. Referat fra møte i Innstillingsrådet 08.12.02.
5. Referat fra møte i Innstillingsutvalget 22.08.02.
6. Brev 23.12.02 vedr. oversendelse av beredskapsplan for Det juridiske fakultet.
7. Sak S 184-02 vedr adgangsreguleringer og opptaksrammer ved opptak til grunnstudier ved UiTø studieåret 2003/2004.
8. Brev 23.12.02 fra U-dir vedr. Statsbudsjettet 2003 – hovedfordeling – styrets vedtak om fordeling – foreløpig orientering.
9. Brev 06.01.03 fra Studieavdelinga vedr. Forskrift om akkreditering, evaluering og godkjenning etter Lov om universiteter og høgskoler og Lov om private høgskoler , og høringsutkast til forskrift om standarder og kriterier for evaluering og akkreditering av norsk høgre utdanning.
10. Informasjon om personale m.v. –
o Kristin Johanne Bye får nye arbeidsoppgåver no – ho skal ha hovedansvaret for å koordinera undervisning og evaluering i den nye studiemodellen.
o Vi har difor under utlysing konsulentstilling som undervisningsplanleggar – søknadsfrist 27.01.02.
o Kjersti Dahle skal ha svangerskapspermisjon frå mai, og vi lyser ut vikariat for henne. Søknadsfrist 27.01.02.
o Nina Mår Tapper tok til som stipendiat 7. januar.
o Kristine Trondsen er engasjert som konsulent i administrasjonen med arbeidsområde klagesaker m.v. – foreløpig for ein månad frå 20.01.02.
o Heidi Stenvold sitt engasjement gjennom Kelly er forlenga til 28.02.
o Jon Petter Rui Johansen tek til som amanuensis i midten av mars.
o Aslaug Nikolaisen har tatt imot tilbod om stilling som førstekonsulent (økonomi og budsjett). Ho tek til i midten av mars.

11. Publikasjoner i perioden 15.10.02 – 31.12.02. Notat 16.01.03.
Jørn Øyrehagen Sunde:
- "Juridisk profesjonsautisme", kronikk i Klassekampen 28.10.02
- "Lov, rett og rette dommar - lovgjevingsarbeidet under kong Magnus Lagabøte på 1270-talet", i Jussens Venner hefte 6/02, s. 260-277.
- "Samisk og kvensk opposisjon i Alta på 1700-talet", i Arkivmagasinet nr. 3 2002, s. 75-85.
- ""at indsee Forskiællen og Oveneenstemmelsen imellem adskillige Begreber" - eit mysteriespel om slagsmål i Ænes sokn, dansknorske juristar og litteratur, og europeisk rettsfilosofi på 1700-talet", i Bergensposten desember 2002, s. 32-48.
Gunnar Eriksen:
- Bokanmeldelse av Reindriften i Finnmark. Retthistorie 1852-1960, av Kirsti Strøm Bull, Nils Oskal og Mikkel Nils Sara, i Lov og Rett nr. 7/ 2002, s. 457-462.
”Tilvenningen til samisk kultur og rettstenking i norsk høyesterettspraksis. Om møtet mellom en muntlig og en tekstbasert kultur.” I Kart og plan hefte nr 64; 4/02, s 230-247.

MERKNADER:
8. Fakultetsdirektør orienterte om økonomien. Det vil bli lagt fram budsjett i kommande styremøte.

MUNTLEG:
12. Dekan orienterte om møte i NFR-KS om strategiske prosjekt. Vi har invitert forskarane
til å foreslå prosjekt. Styret skal prioritere mellom dei, etter framlegg frå FU.
13. Dekan orienterte om styringssignala frå Universitetsstyret for 2002.

SAK JF 03-03 LEDIG STILLING SOM PROFESSOR - FORSLAG TIL BETENKNING
(Arkivsak: 200300426)
Enstemmig vedtak:

Betenkningen godkjennes med de endringene som kom fram i Styret. Dekan og fakultetsdirektør får fullmakt til å vedta endelig utforming.

SAK JF 04-03 LØNNSPOLITIKKEN VED FAKULTETET
(Arkivsak: 200300577)
Samrøystes vedtak:

Fakultetet skal arbeida for lønnsfastsetjing etter desse prinsippa:

Administrative stillingar:
I vurderinga vert det lagt vekt på:
- vedkommande sin praksis og utdanning
- lønnsnivået i tilsvarande stillingar ved universitetet
- lønnsnivået ved andre avdelingar på universitetet – dette gjeld særleg dersom det er ein ny type stilling som skal lysast ut
- kor attraktiv søkaren er for fakultetet.

Vitskaplege stillingar:
- fast tilsette skal prioriterast framom stipendiatar og andre mellombels tilsette.
- det må vera ein betydeleg lønnsskilnad mellom professorat og førsteamanuensisstillingar og vidare til mellomstillingar.
- professorlønningane er høge nok pr i dag.
- skilnaden mellom lønn i professorata og i førsteamanuensisstillingane er stor nok pr i dag .
- stipendiatar bør i utgangspunktet ha høgare lønn enn engasjerte amanuensar.
- det må vera rom for individuelle vurderingar – det kan ikkje vera noko absolutt mål at alle med same stilling skal ha same lønn. Her kan mange forhold spela inn; ansiennitet, yrkespraksis, den lønna den tilsetta har i stillinga han/ho kjem frå m.v.
- vi bør ta sikte på å jamna ut eventuelle usaklege skilnader mellom tilsette.
- det må likevel vera rom for å gi særlege tilbod der nokon er spesielt attraktiv.

Generelt:
- Prinsippa gjeld ved tilsetjing og ved lokale forhandlingar
- Ved tilsetjing tilbyr vi den lønna vi meinar den tilsette skal ha på litt sikt

SAK JF 05-03 OPPTAKSKOMITEEN – STUDENTMEDLEM 2003
(Arkivsak: 200300576)
Enstemmig vedtak:

Stud.jur. Jorunn I. Pedersen vert oppnemnt som studentmedlem i opptakskomiteen.

SAK JF 06-03 LEDIG STILLING SOM STIPENDIAT I RETTSVITENSKAP VED JUR-FAK – TILSETTING
(Arkivsak: 200202498)
Enstemmig vedtak:

Laila Susanne Vars tilsettes som universitetsstipendiat i rettsvitenskap.

Dersom hun ikke tar stillingen, tilsettes
2. Irene Vanja Dahl
3. Roar Bårdlund

SAK JF 07-03 OPPNEVNING AV BEDØMMELSESKOMITE TIL STILLING SOM FØRSTEAMANUENSIS, EVENTUELT PÅ KVALIFISERINGSVILKÅR, ELLER MIDLERTIDIG ANSETTELSE SOM LEKTOR ELLER AMANUENSIS
(Arkivsak: 200205086)
Enstemmig vedtak:

Fakultetsstyret oppnevner
- førsteamanuensis Tore Henriksen, UiTø
- professor Dag Michalsen, UiO
- førsteamanuensis Berte-Elen Konow, UiB

som medlemmer av bedømmelseskomiteen som skal vurdere søkerne til midlertidig stilling som amanuensis/lektor i rettsvitenskap.

Henriksen oppnevnes som komiteens leder og bes administrere arbeidet med bedømmelsen.

Tromsø, den 06. febr. 2003

Tore Henriksen Olaug Husabø
dekan fakultetsdirektør