|
Årsaka er dei raude tala i fakultetet sitt budsjett for 2007.
Tidlegare i år såg det ut til at Med.fak fekk eit meirforbruk på over 15 millionar kroner. Det godtok ikkje universitetsstyret som sette i verk tilsetting- og investeringsstopp ved fakultetet fram til 6. september.
No har leiinga ved Med.fak gjort greie for situasjonen og foreslår eit kutt i budsjettet på 11 millionar kroner. Det vil gje eit resultat på minus 4,5 millionar kroner.
Universitetsstyret er likevel ikkje heilt nøgd med dette og foreslår difor å vidareføre investeringsstoppen ved heile Det medisinske fakultet.
For Institutt for medisinsk biologi vert òg tilsettingstoppen vidareført ut året. Årsaka er at universitetsstyret meiner dette instituttet medverkar mest i negativ retning når det gjeld budsjettet for 2007.
|
