Sentrale emne i studiet er fleirspråklegheit, språkleg variasjon, talemålsendring, dialekt- og språkkontakt, med vekt på nordnorske forhold.

Emnet er eit tilbod til utanlandske studentar (utvekslings- og gjestestudentar) som har norsk eller nordisk språk og litteratur som studiefag ved eit utanlandsk universitet.

Studentar som tidlegare har tatt NOR-0100 Norsk språk, litteratur og kultur for internasjonale studenter samt NOR-1020, NOR-1021 og NOR-1022, kan bruke emnet som eit påbyggingsstudium.

Arbeidskrav: Studentane skal presentere temaet for semesteroppgåva på eit seminar om lag halvvegs i semestret.

Vurderingsform: Semesteroppgåve (ca. 10-15 s.) med sjølvvald emne. Formålet med semesteroppgåva skal vere å knyte teoristoffet til eitt eller fleire nordnorske språksamfunn. Emnet skal veljast i samråd med faglærar, og oppgåva skal skrivast under rettleiing i løpet av semesteret og leverast innan fastsett frist. Kvar student kan få inntil to timar rettleiing på oppgåva.

Det blir ikkje stilt krav om å kunne nytte både bokmål og nynorsk, og det blir også stilt mindre krav til praktisk språkdugleik enn for studentar som tar eit ordinært emne i nordisk språk eller litteratur.

Eksamensspråk: Norsk, dansk eller svensk.

Emnet blir vurdert med bokstavkarakterar (A-F).