|
På UB har vi dei siste åra kjøpt inn fleire e-bøker. Vi har tilgang til både NetLibrary og Ebrary, som begge inneheld elektroniske bøker, altså bøker som er tilgjengelege i fulltekst på skjermen. Du kan for eksempel søkja i heile boka, sjå innhaldslista eller bla i enkelte kapittel, og du kan skriva ut delar av boka. Under emnet German language i Ebrary fekk eg 107 bøker, blant anna Big Yellow Book of German verbs, med øvingar og fasit. I NetLibrary finn du mange gode handbøker, for eksempel A Handbook of Germanic Etymology, og UB har kjøpt inn dei fleste bøkene i serien Blackwell Handbooks in Linguistics. E-bøker fungerer godt som oppslagsverk. De fleste bøkene i Ebrary og NetLibrary er registrerte i Bibsys. Kanskje finn du akkurat det du leitar etter. Prøv sjølv!
|
