 |
|
Vellukka fylkesmønstring i FørdeSjeldan er så mange talent samla under same tak som under UKM fylkesmønstringa.Årets mønstring samla 440 deltakarar frå heile fylket og det som dei viste fortalde om stor variasjon og kreativitet blant ungdom i Sogn og Fjordane. Publikum, som besøkte dei fire konsertane, såg videoframsyningar og utstillingsarbeid i Førdehuset, fekk med seg mange gode opplevingar. - Vi er svært godt nøgde med årets arrangement og tykkjer det har gått veldig bra. Det er imponerande høgt nivå blant deltakarane, seier Jarlaug Lauritsen, som er leiar for årets fylkesmønstring. Sosialt for deltakarane I år var det lagt stor vekt på at deltakarane skulle ha eindel sosiale aktivitetar utanom sjølve framsyningane. Mellom anna vart det arrangert vanndisco for første gong, og ei elevbedrift tok seg av ulike aktivitetar for ungdommane. Mange av deltakarane får med seg andre konsertar og knyter kontakter med andre deltakarar på den tre dager lange mønstringa. Inntrykket er at ungdommane trivast godt på det største arrangementet som er her i fylket for ungdom. Nyttig samarbeid Sogn og Fjordane fylkeskommune har i år samarbeidd med fleire av skulane i Sogn og Fjordane. Øyrane vgs har mellom anna stått for mat og underhaldning for deltakarane. Medielinja ved Mo og Jølster vgs. har hatt ansvar for informasjon og PR, medan Firda vgs har skaffa konferansierar og hatt ansvar for videoframsyning. - Samarbeidet med skulane har fungert veldig bra og dette vil vi vidareføre, seier Jarlaug Lauritsen. Ungdommane og andre frivillige som har jobba for oss har gjort ein flott innsats, legg ho til. Dei som reiser til landsmønstringa: Sceneinnslag: El Tango, dans , Førde Jostein Avdem Fretland, jazz, Lærdal Magnum 88, rock, Fjaler Invension nr 1, jazz-fusion, Gloppen From Russia with love, klassisk, Eid Utstilling: Yngvild Hamre, ”Dans”, teikning, Selje Silje Karin Åberge, ”Kvifor”, foto, Sogndal Magnus Håvik, ”Sort enke”, Oljemaling, Stryn Karoline Thyri, ”Kreativ kunst”, maling, Lærdal Anna Wates, ”Winter thoughts”skisser, Fjaler Video: !NOK Aurland Andrea-Marie Henden, Andreas Hadsel Opsvik, Maria Gilje Torheim, Tora Aasen |
||||||||||||
|
|||||||||||||
