Utskrifter, attestar, kopiar m.m.

Føretaksregisteret

Føretaksregisteret inneheld opplysningar om aksjeselskap og andre selskap med avgrensa ansvar, ansvarlege selskap og andre selskap med uavgrensa ansvar og enkeltmannsføretak.

Registerutskrift frå Einingsregisteret og Føretaksregisteret

Inneheld sentrale opplysningar om juridiske personar m.m. På utskrifta finn du blant anna opplysningar om organisasjonsnummer, namn, organisasjonsform, dagleg leiar, besøks- og postadresse, kva tilknytte register eininga er registrert i, næringskode, målform og telefonnummer dersom eininga har gitt opp det til oss.

Føretaksopplysningar

Inneheld sentrale opplysningar om føretak. Her finn du opplysningar om organisasjonsnummer, organisasjonsform, stiftingsdato, namn, forretningsadresse, kapital, innbetalingsforhold, styre, dagleg leiar, signatur, prokura, revisor, verksemd og eventuelle særlege opplysningar om føretaket.

Firmaattest

Inneheld føretaksopplysningar og tener som legitimasjon for føretaket i alle samanhengar, for eksempel overfor långivarar, toll- og avgiftsstyresmakter og tinglysingsstyresmakter.

Det finst også spesielle utgåver av firmaattesten.

Desse er:

• Firmaattest med historisk firma (navn)
  Inneheld det same som ein vanleg firmaattest, men inneheld også opplysning om alle tidlegare firma (namn) for føretak som har endra dette.

• Firmaattest med signatur m.m.
  Firmaattest som er signert og eventuelt omsett til engelsk.

Stadfestingar

Stadfesting på opplysningar som er eller har vore registrerte i Føretaksregisteret. Du kan for eksempel få ei stadfesting på oppløysing for fusjon med dato for gjennomføring, alle opplysningar som var registrerte i Føretaksregisteret på ein bestemt dato, alle endringar av firma (namn) som er registrerte, eller kapitalaukar og -nedsetjingar. Stadfestingane er signerte. Du kan også få dei omsette til engelsk.

Kopi frå arkiv

Kopi av meldingar føretaket har sendt til Brønnøysundregistra ved registrering og endringar og delar av grunnlagsmaterialet for registreringa så som vedtekter, selskapsavtalar, generalforsamlingsprotokollar mv.

Du kan også få kopi av prospekter og dokument frå historisk arkiv. Historisk arkiv inneheld dei lokale handelsregistra frå perioden 1875-1990.

Rolleoversikt

Viser kva roller (eks. dagleg leiar, leiaren i styret etc.) ein person er registrert med i Føretaksregisteret, og roller knytte til næringsverksemd i Einingsregisteret. Rolleoversikta viser også kva roller eit føretak har i andre selskap. Det er mogeleg å bestille rolleoversikt både på organisasjonsnummer og fødselsnummer (11 siffer). Fødselsnummer får du frå folkeregisteret i heimkommunen til personen du spør på.

Klientoversikt for revisor og rekneskapsførar

Ein revisor/rekneskapsførar kan bestille ei oversikt over kva klientar han eller ho er registrert med i Føretaksregisteret og Einingsregisteret. Det kan berre bestillast oversikt over eigne klientar.

Bestandsoversikter

Inneheld opplysningar om juridiske personar sorterte på forskjellige søkjekriterium. Bestandsoversikter kan sorterast på organisasjonsform (eks. AS eller KS), geografi (land, fylke, kommune), bransje/næringskode og registrering i tilknytt register. For eksempel kan det hentast ut ei oversikt over alle aksjeselskap i Oslo som driv i hotell- og restaurantbransjen og er registrerte i Meirverdiavgiftsmanntalet.