|
Ekteskap inneber at det økonomiske forholdet mellom
ektemakane blir regulert av rettsreglar. Mellom anna krev
ekteskapslova at visse avtalar mellom ektemakane må
gjerast i form av ei ektepakt for for at dei skal vere gyldige.
Ei ektepakt er ein juridisk bindande avtale mellom ektemakar
- inkludert avtalar om overføring av gåver mellom
dei. Det blir stilt visse formkrav til ektepakta, mellom anna
skal ho vere skriftleg og underteiknast av vitne.
For å oppnå rettsvern overfor kreditorane må
ektepakta i tillegg tinglysast i Ektepaktregisteret i Brønnøysund.
Ektepakt om gåver må alltid tinglysast i Ektepaktregisteret
for å få rettsvern.
Ei ektepakt som skal tinglysast, må vere skriven på
eit eige skjema. Skjemaet kan du laste
ned herifrå, eller du kan få det ved å
vende deg til Brønnøysundregistra, Ektepaktregisteret,
8910 Brønnøysund.
Stortinget har bestemt at det skal betalast gebyr
for tinglysing av mellom anna ektepakter.
Ei ektepakt som overdreg fast eigedom, må for å
få fullt rettsvern også tinglysast i rettskrinsen
for eigedommen, og det må førast opp på
bladet for eigedommen i grunnboka. Det må partane sjølv
syte for. Ta kontakt med sorenskrivaren (i landdistrikta)
eller byskrivaren, byretten eller byfuten (i byane).
|
