Austersjørådet

Austersjørådet er ein multilateral samarbeidsorganisasjon som vart skipa i 1992. Det har 12 medlemmer: Danmark, Estland, Finland, Island, Latvia, Litauen, Norge, Polen, Russland, Sverige, Tyskland og EU-kommisjonen. Observatørland er Frankrike, Italia, Nederland, Storbritannia, Ukraina og USA. Viktige samarbeidsområde er miljø, demokratibyggjing, helse, energi, utdanning, IT, kamp mot organisert kriminalitet, tiltak for barn i fare, kamp mot menneskehandel, fremjing av samarbeid mellom friviljuge orgasnisasjonar og fremjing av samarbeid mellom lokale  og fylkeskommunale styresmakter over landegrensene.

Formannskapet skifter mellom medlemslanda kvart år i juni/juli. Island har formannskapet for perioden 2005/06, og vil bli avløyst av Sverige ca. 1. juli 2006. Norge hadde formannskapet i 1999/2000

I 1998 vart det oppretta eit sekretariat for Austersjørådet med sete i Stockholm. Dei tilsette kjem frå forskjellige medlemsland i rådet.

Rådet er eit viktig forum for dialog og samarbeid mellom Russland og vestlege grannar,

Austersjørådet, Nordisk Ministerråd og Barentsrådet har i stor monn dei same emna på sakskarta sine og det er løpande kontakt og informasjonsutveksling mellom dei.

Austersjørådet deltek sers aktivt i arbeidet med å følgje opp aksjonsplanen for EUs Nordlege Dimensjon.

Det rår allmenn semje om at det omfattande samarbeidet i Austersjørådet har vore  tillitsskapande og slik også medverkande til at det er godt granneskap mellom medlemslanda i rådet .

Aktuelle lenker:

• Portal for Austersjøområdet www.balticsea.net
• Heimesida for Austersjørådet inneheld fyldig informasjon om arbeidet i rådet og har peikarar til mange andre heimesider for Austersjøsamarbeidet.

(Sist oppdatert: oktober 2005)