Ráđđehusa sámepolitihka vuođđun lea dat ahte Norgga stáhta lea vuođđuduvvon guovtti álbmoga, dážaid ja sámiid, eanaguovllu ala ja ahte guktuid álbmogiin lea seamma vuoigatvuohta ja gáibidanriekti beassat ovddidit iežaset kultuvrra ja giela.
- Ráđđehusa bušeahttaárvalusas leat čielga vuoruheamit. Áŋgiruššamat dálkkádatáitagiid vuostá nannejuvvojit. Mii joatkit politihkain mii vuoruha oktasaš čálggu, dearvvašvuođa ja oahpahusa ovdalii vearrogeahpidemiid ja privatiserema. Oljoruđaid geavaheami vuođđun lea norgga ekonomiija nanu ovdáneapmi, lohká ruhtadanministtar Kristin Halvorsen.
(Ruhtadandepartemeanta, 05.10.2007)
Ráđđehus evttoha 2008 stáhtabušeahtas lasihit juolludemiid sierra sámi ulbmiliidda birrasiid 49 miljovnna kruvnnuin. Ollislaš áŋgiruššan jahkái 2008 lea birrasiid 753 miljovnna kruvnno. Sámedikki bušeahtta lassána 36 miljovnna kruvnno.
(Bargo- ja searvadahttindepartemeanta, 05.10.2007)
- Ráđđehusa bajimus ulbmil gonagasreappá hálddašeamis lea nu bures go vejolaš ráddjet gonagasreappá leavvama Norgga mearraguovlluide ja sihkkarastit ahte gonagasreabbámáddodat lea nu uhcci go vejolaš gávpeguovlluid olggobealde, dadjá guolástus- ja riddoministtar Helga Pedersen.
(Guolástus- ja riddodepartemeanta, 14.09.2007)
Departementenes servicesenter, Einar Gerhardsens plass 3, Poastaboksa 8129 Dep, 0032 OSLO Telefovdna 22 24 90 90 | E-poasta redaksjonen@dss.dep.no
