SNO Bergen har kontor i same bygg som Fylkesmannen i Hordaland, og har kontorfellesskap med Statskog i femte etasje.

På denne sida kan du lese om:

• Oppsynsområdet
• Arbeidsoppgåver
• Tilsette

Oppsynsområdet
SNO Bergen har ansvar for naturoppsyn i kystsona i Hordaland. Meir konkret dekker kontoret Sunnhordland, Midthordland, Nordhordland, Voss kommune og deler av Kvam herad.

Motiv frå Hopsfjellet naturreservat. Føremålet med vernet er å ta vare på eit skogområde som gjennomgår naturleg suksesjon etter ein skogbrann. Foto: Ragni Nordås.

Arbeidsoppgåver
SNO Bergen har som oppgåve å driva naturoppsyn med heimel i lov om statleg naturoppsyn innafor sitt oppsynsområde. Føremålet er å ivareta nasjonale miljøverdiar og førebygga miljøkriminalitet. Meir konkret medfører dette kontroll med reglane gjeve i medhald av Friluftslova, Naturvernlova, Motorferdselslova, Kulturminnelova, Viltlova, Laks og innlandsfisklova og delar av Forureiningslova. Oppsynet driv og med rettleiing og informasjon, samstundes som det kan driva med skjøtsels-, registrerings- og dokumentasjonsarbeid.

Kontoret har ei særleg oppgåve med oppsyn i kystnære verneområde. Verneområda omfattar eit samla areal på 88 kvadratkilometer fordelt på 122 naturreservat, sju landskapsvernområde og eit fuglefredingsområde. Viktige arbeidsoppgåver ellers er lakseoppsyn og skilting i verneområda. Kontoret har eit hovudansvar for kystoppsynet i Hordaland, og oppsynsbåtane Skarv og Ørnen nyttast i dette arbeidet.

SNO Bergen løyser deler av sine oppsynsoppgåver gjennom tenestekjøp frå ein privatperson i Fusa. Han utførar lakseoppsyn i Hardanger og Sunnhordland, og noko naturoppsyn i Kvam, Kvinnherad og Fusa herad.

• Gå til: Verneområde kor SNO Bergen har oppsynsansvar
• Les meir om: Skjøtsel i Herdla naturreservat
• Gå til side med oppsynsbåten Ørnen
• Gå til side med oppsynsbåten Skarv

Tilsette

Tilbake til hovudside SNO Lokalt