Det er kommunen og fylkeskommunen som gir forskrift om skule- og feriedagar for elevane og at forskrifta skal vera tilpassa avvikling av nasjonale prøver og eksamenar, jf. §§ 2-2 og 3-2 i Opplæringslova.

 

Det er ei rekkje omsyn som skal takast i eit framlegg til samordna skolerute for grunnopplæringa; mellom anna til arbeidstidsavtalen for undervisningspersonalet, eksamen, sensurering og fellessensur for ungdomssteget og vidaregåande opplæring, klagebehandling,  skoleavslutningar, felles feriar og elevfrie dagar, kurs- og planleggingsdagar for lærarane og  skoleruter i nabofylka. Dei ulike omsyna er ikkje alltid samanfallande, og vi må derfor finna nokre kompromissløysingar i framlegget. Det er dessverre uråd å laga eit framlegg som passar for alle.

 

Skoleruta skal liggja innafor ei ytre ramme på 45 samanhengande veker og skal omfatta 38 skoleveker for elevane. Elevane sine arbeidsveker skal, så langt mogeleg, leggjast som heile veker. Skolestart for elevane er difor lagd til veke 34/2005 og skoleslutt til veke 25/2006.

Kommunen/fylkeskommunen skal leggja til rette for planleggingsdagar og kurs/etterutdanning for undervisningspersonalet, og ein skal - så langt det er råd - unngå at desse dagane avbryt arbeidsvekene for elevane. Vi viser til eige avsnitt neste side.

 

Utdanningsdirektoratet  har enno ikkje fastsett dei nasjonale eksamensdagane og dato for fellessensur verken for grunnskolen eller vidaregåande skole for våren 2006.

Planar for eksamen og prøver våren 2005 er omhandla i eige kapittel på neste side.

 

Vi har også for 2005 valt å leggja haustferien til veke 41. Vi har i framlegget føreslått ei veke til haustferie sidan fleire kommunar og fylkeskommunen nyttar ei heil veke til haustferie. For å letta langtidsplanlegginga gjer vi allereie no framlegg om å leggje haustferien til veke 41 også i skoleåret 2006/2007.

 

Vi gjer framlegg om å leggje vinterferien til veke 9 i 2006. Det vil då vere 5 veker med undervisning fram til påske.

Vårt framlegg til vinterferie i 2007 er også veke 9. Det vil gje 4 veker undervisningstid fram til påskeferien i 2007 (Palmesøndag 2007 er 01.04.)

 

Kurs- og planleggingsdagar

Skolemøtet i Rogaland er lagt til fredag 18.11.05. Fagdagen på HiS vil mest sannsynlig bli tors. 24.nov. 2005. Vi gjer ikkje andre framlegg om veker og/eller dagar til planlegging og etterutdanning, men overlet til kommunen / fylkeskommunen å leggja inn desse dagane i skoleruta. Elevane skal i alle høve ha 190 dagar undervisning fordelte over skoleåret.

 

I 2006 fell 1. mai på ein måndag. Kristi himmelfartsdag er torsdag 25. mai. Fredag 26. mai kan nyttast til fridag, dersom det ikkje kolliderer med eksamenar eller nasjonale prøver. Plan for nasjonale prøver i og eksamen i 2006 ligg som kjend ikkje føre frå nasjonalt nivå enno.

Nasjonaldagen 17. mai er ein onsdag og andre pinsedag i 2006 er måndag 5.juni.

 

Kommunane og skoleutvala ved dei vidaregåande skolane vert oppmoda om å ta omsyn til skyssproblematikk og skysskostnader, når dei legg dei