INNHALD

Tilsynet er utført som systemrevisjon.

Denne rapporten beskriv dei avvik og merknader som blei påpeikt innan dei reviderte områda. Systemrevisjonen omfatta følgjande område: Kommunen si handsaming av internkontrollplikta jfr. tilsynslova § 3, men avgrensa til den delen av helsetenesta som omfattar kommunen sitt system for å godkjenne og å føre tilsyn etter forskrifta §§ 6 og 25.

Vi vart mottekne i kommunen av rådmann/fung. helse- og sosialsjef og sektorleiar oppvekst/kultur.

Fylkeslegen konstaterte 1 avvik.

Avviket gjeld at godkjenningsvedtak for barnehagar og skolar blir fatta i Arbeidsmiljøutvalet og i kommunestyret som del av kommuneplanen.

Fylkeslegen har ein merknad.

Den går på at det råder uvisse i prosedyra for godkjenning av barnehagar og skolar innan området miljøretta helsevern, noko som gjer den enkelte medarbeidar si rolle uklår.

Dato: 27.01.2000

Føremålet med systemrevisjonen er å vurdere korleis verksemda ivaretek ulike myndigheitskrav gjennom sin internkontroll. Revisjonen tar utgangspunkt i om :

• aktivitetar blir gjennomførte som skrive og uttalt
• kommunen driv si verksemd innanfor dei rammene som myndigheitene har sett.

Ein systemrevisjon blir gjennomført ved gransking av dokument, ved intervju og ved verifikasjonar. Verifikasjonar inneber å sjekke om rutiner, prosedyrer og instruksar blir fulgte opp i praksis, og om de fysiske tilhøva tilfredstiller myndigheitskrava. Rapporten omhandler avvik og merknader som er kome fram under revisjonen.

• Avvik blir definert som mangel på oppfylling av myndigheitskrav.
• Merknad er tilhøve som ikke blir omfatta av definisjonen for avvik, men der tilsynsmyndigheitene meiner det er rom for forbetringar.

Fylkeslegen har revidert følgjande område:
Den delen av Lom kommune si helseteneste som består i godkjenning av og tilsyn med verksemder som fell inn under § 2 i forskrift av 1. desember 1995 nr. 928 om miljøretta helsevern i barnehagar og skolar m.v.

Lom har vore utan eigen komm.lege I sidan mars 1999. Kommunelege I i nabokommunen Skjåk er sidan april 1999 konstituert som kommunelege I.

Skolane og barnehagane er organisert i ei avdeling for oppvekst innan sektor for oppvekst og kultur.

• Lov av 10.februar 1967 om behandlingsmåten i forvaltningssaker (forvaltningslova)
• Lov av 30. mars 1984 nr. 15 om statlig tilsyn med helsetjenesten (tilsynslova)
• Lov av 19. november 1982 nr. 66 om helsetjenesten i kommunene (kommunehelsetenestelova)
• Forskrift av 1.desember 1995 nr. 928 om miljørettet helsevern i barnehager og skoler m.v.
• Rundskriv om kommunenes tilsyn med virksomheter som etter kommunehelsetjenestelovens kap. 4a plikter å føre internkontroll. IK - 12/98
• Helsetilsynets veileder 3-98 til forskrift om miljørettet helsevern i barnehager og skoler.

• Utskrift av møtebok for Arbeidsmiljøutvalet - handsaming av søknader om godkjenning av 6 skolar/barnehagar.
• Utskrift av møtebok for Oppvekstutvalet - handsaming av rullering for kommuneplanen - kortsiktig del 2000 - 2003 .
• Internkontroll -HMS
• Oversikt over tilsette i barnehagar og skolar.
• Revisjonsvarsel datert 12.10.99
• Revisjonsplan datert 03.12.99

Formøte blei halde pr. tlf.: 01.12.99

Åpningsmøte blei halde: 15.12.99

Sluttmøte blei halde: 15.12.99

Intervju: 4 personar blei intervjua.

Følgjande verifikasjonar blei gjennomførte:
Oversikt over administrativ organisering i kommunen blei lagt fram.
Organisasjonsplan over dei ulike sektorane blei lagt fram.
Gjennomgang av godkjenning av skolar og barnehagar m.h.p. miljøretta helsevern i arbeidsmiljøutvalet.

Revisjonsbesøket blei avslutta med eit sluttmøte der følgjande observasjonar blei presenterte:
Kommunen har ikkje vedteke noko delegasjonsreglement som omfatter delegasjon av myndigheit innan miljøretta helsevern.
Det er uklar oppfatning av kvar godkjennings- og tilsynsansvaret for miljøretta helsevern er plassert.

Ingen av skolane/barnehagane i kommunen er godkjente etter forskrift om miljøretta helsevern i barnehagar og skolar

Avvik fra følgende myndighetskrav: Forskrift av 1. desember 1995 nr. 928 om miljørettet helsevern i barnehager og skoler m. v. § 6, jfr. Lov av 30. mars 1984 nr. 15 om statlig tilsyn med helsetjenesten § 3.

Avviket er basert på følgjande observasjonar:
I flg. Forskrift om miljørettet helsevern i skoler og barnehager § 6 er kommunestyret godkjenningsmyndigheit for verksemder som forskrifta omfatter. Godkjenninga skal fattast som enkeltvedtak etter Lov av 10. februar 1967 om behandlingsmåten i forvaltningssaker (forvaltningslova). Kommunestyret si godkjenning er som del av kommuneplan, og ikkje som enkeltvedtak.

Det råder uvisse i prosedyra for godkjenning av barnehagar og skolar innan området miljøretta helsevern. Dette kan gjere den enkelte medarbeidar sitt ansvar, myndigheit og oppgave uklar. Det bør derfor lages ei skriftleg prosedyre for å sikre at medisinsk fagleg rådgjevar og evt. hans/hennes medhjelparar får sakene til tilråing som følger saken vidare.

I tabellen under er det gitt ei oversikt over deltakarane på åpningsmøtet og sluttmøtet, og over kva for personar som blei intervjua.

Frå fylkeslegen deltok:
Fylkessykepleier vikar Torbjørg Rønning - revisjonsleiar
Ass. fylkeslege vikar Øyvind Rolstad - revisor
Fylkessykepleier vikar Signe Myklebust - revisor