INNHALD

Samandrag

Denne rapporten omtaler påpeikte avvik og merknader innan dei reviderte områda. Systemrevisjonen omfatta følgjande område:

• Alminnelege krav
• Undersøkingar og vegleiing
• Tiltak for utsette grupper
• Helseovervaking

Bø kommune har skulehelseteneste i begge barneskulane, ungdomsskulen og den vidaregåande skulen. Det medisinsk-faglege ansvaret blir ivareteke av lege, og dei tilsette i skulehelsetenesta er kjent med regelverk og faglege standarder. Alle elevar får systematiske medisinske undersøkingar, inkludert skulestart-undersøking. Skulehelsetenesta gir informasjon til heimane om måltretta undersøkingar. Elevane i ungdomsskulen og vidaregåande skule har tilgang på individuell helsevegleiing. Det er etablert tverretatlege og tverrfaglege samarbeidsstrukturar for utsette grupper og ansvarsgrupper for elevar med særskilde behov.

Ved tilsynet blei det avdekka 2 avvik frå myndigheitskrava. Det er gitt merknad til 4 tilhøve der det er potensiale for forbetring.

Avvika er detaljert omtala i kapittel 5 og gjelder:

• Kommunen manglar strukturert tverrfagleg samarbeid i skulehelsetenesta i den vidaregåande skulen.
• Skulehelsetenesta har ikkje oversikt over sjukdom/helsetilstand og risiko blant skuleelevane, og kan ikkje vise til systematiske tiltak som skal identifisere desse tilhøva.

Dei 4 merknadane er omtala i kapitel 5 og er følgjande:

• Kommunen manglar eit internkontrollsystem for skulehelsetenesta.
• Dei tilsette manglar stillingsinstruksar/arbeidsomtale.
• Skulehelsetenesta manglar strukturert tverrfagleg samarbeid med fysioterapeut, som representerar ei obligatorisk fagteneste i kommunehelsetenesta.
• Folkestad skule har lite egna lokaler, som gjer det vanskeleg å utføre helseundersøkingar og individuell helsevegleiing.

Dato: 06.09.2000

1. Innleiing

Rapporten er utarbeidd etter systemrevisjon ved Bø kommune i perioden 21.03.- 06.09.

2000. Revisjonen inngår som ein del av fylkeslegens planlagde tilsynsverksemd i år.

Føremålet med systemrevisjonen er å vurdera korleis verksemda tek i vare ulike myndigheitskrav ved hjelp av internkontroll. Revisjonen omfatta undersøking om:

• aktivitetar blir utførde slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett.

Ein systemrevisjon vert gjennomført ved gransking av dokumenter, ved intervjuer og ved verifikasjoner. Verifikasjoner inneber å sjekke om rutiner, prosedyrar og instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

Bø kommune har 2 barneskular med tilsaman 405 elevar, 1 ungdomsskule med 176 elevar og 1 vidaregåande skule med ca 380 elevar. Dei tilsette i skulehelsetenesta er 2 helsesystre i tilsaman 150% stilling, ein assistent på helsestasjonen 10 t/veke og 2 privatpraktiserande legar med faste timeoppdrag som skulelegar. Bø kommune reduserte årsverka for helsesyster frå 2,0 til 1,5 stilling frå skulestart hausten 1999. Konsekvensen var at Bø vidaregåande skule ikkje har nokon helsesyster. Både helsestasjon og skulehelseteneste inngår i helsesyster-ressursen på 1,5 stilling.

Verksemdas eigen dokumentasjon:

• Oversikt over grunnskolar og vidaregåande skular i Bø
• Oversikt over tilsette i skulehelsetenesta
• Organisasjonskart for helse- og sosialetaten i Bø kommune
• Helse- og sosialplan 1996-2000 i Bø kommune
• Plan for skulehelsetenesta 1993-97
• Budsjett for helsestasjonen 2000, inkl. skulehelsetenesta
• Utdrag av internkontroll-håndbok HMS, Bø kommune
• Skjema for innkalling til og undersøkjing på 5 års-kontroll
• Årsmelding frå avdelingane i helse- og sosialetaten 1999
• Fyrste utkast av ny plan for skulehelsetenesta

Korrespondanse mellom verksemda og fylkeslegen:

• Frå fylkeslegen 21.03.2000: Varsel om tilsyn med skulehelsetenesta i Bø kommune 31.mai 2000.
• Frå Bø kommune 25.04.2000: Oversending av diverse dokumentasjon.
• Frå fylkeslegen 19.05.2000: Varsel om tilsyn med skulehelsetenesta i Bø kommune 31.mai 2000.

Systemrevisjonen omfatta følgjande aktivitetar:

Melding om tilsyn blei sendt ut 21.03.2000.

Formøte vart ikkje halde.

Opningsmøte vart halde onsdag 31.05.2000 kl. 0845 – 0920.

Intervjuer
5 personar vart intervjua.

Verifikasjonar
Følgjande verifikasjonar blei gjennomførde:

• Perm med diverse informasjon til heimane
• Perm med diverse originale ark for skulehelsetenesta
• Permar med kommunens IK-system for helse, miljø og sikkerheit

Sluttmøte var halde onsdag 31.05.2000 kl. 14.30-15.05.

Område 1: Alminnelege krav

Merknad 1-1

Kommunen manglar eit internkontrollsystem for skulehelsetenesta.

Merknad 1-2.

Dei tilsette manglar stillingsinstruksar/arbeidsomtale.

Område 2: Undersøkingar og vegleiing.

Merknad 2-1:

Folkestad skule har lite egna lokaler, som gjer det vanskeleg å utføre helseundersøkingar og individuell helsevegleiing.

Område 3: Tiltak for utsette grupper.

Avvik 3-1:

Kommunen manglar strukturert tverrfagleg samarbeid i skulehelsetenesta i den vidaregåande skulen.

Avvik frå følgjande myndigheitskrav:

Forskrift om helsetenester i skular av 23.11.1983 nr. 1776, § 3, pkt. 2. ref. § 7.

Avviket er basert på følgjande observasjon:

• Kommunen manglar helsesyster i vidaregåande skule, som vil vere ein nøkkelperson i skulehelsetenesta.

Merknad 3-1.

Skulehelsetenesta manglar strukturert tverrfagleg samarbeid med fysioterapeut, som representerar ei obligatorisk fagteneste i kommunehelsetenesta.

Område 4: Helseovervaking

Avvik 4-1:

Skulehelsetenesta har ikkje oversikt over sjukdom/helsetilstand og risiko blant skuleelevane og kan ikkje vise til systematiske tiltak som skal identifisere desse tilhøva.

Avvik frå følgjande myndigheitskrav:

Forskrift om helsetenester i skular av 23.11.1983 nr. 1776, §3, jf. §2 andre ledd og Lov om helsetenesta i kommunane av 19.11.1982 nr. 66, §1-4.

Avviket er basert på følgjande observasjonar:

• Skulehelsetetenasta har ikkje skriftlege prosedyrar for overvaking av helsetilstand og risikofaktorar blant skuleelevane.
• Det er uklart kven som har ansvar for helseovervaking.
• Helsetilstanden blant elevane er ikkje beskrive i årsmelding for skulehelsetenesta.

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Fylkessjukepleiar Astrid Irene Keltner (revisjonsleiar)
Assisterande fylkeslege Gunnar Andersen
Førebyggjingsrådgjevar Roger Jensen
Psykiatrirådgjevar Roger Eilertsen