INNHALD

Samandrag

Denne rapporten omtaler påpeikte avvik og merknader innan dei reviderte områda. Systemrevisjonen omfatta følgjande område:

• Alminnelege krav
• Undersøkingar og vegleiing
• Tiltak til utsette grupper
• Helseovervaking

Nissedal kommune har skulehelseteneste i alle barneskular og i ungdomsskulen. Kommunen er i gang med prosedyrearbeid. Det medisinsk-faglege ansvar blir ivareteke av lege. Alle elevar får systematiske medisinske undersøkingar, inkludert skulestart-undersøking. Skule-helsetenesta gjev tilbod om individuell helsevegleiing i ungdomsskulen og er tilgjengeleg ved behov. Skulehelsetenesta har system for å identifisere elevar med særskilde behov. Det er etablert tverretatlege samarbeidsstrukturar for utsette grupper (krinsteam). Det er etablert ansvarsgrupper for elevar med særskilde behov.

Ved tilsynet blei det avdekka 2 avvik frå myndigheitskrava. Det er gitt merknad til 5 tilhøve der det er potensiale for forbetring.

Avvika er detaljert omtalt i kapitel 5 og gjelder:

• Kommunen har ikkje rutinar for å sikre at dei tilsette er kjent med regelverk og faglege standarder for skulehelsetenesta.
• Skulehelsetenesta har ikkje oversikt over sjukdom/helsetilstand og risiko blant skuleelevane, og kan ikkje vise til systematiske tiltak som skal identifisere desse tilhøva.

Dei 5 merknadene er omtala i kapitel 5 og er følgjande:

• Skulehelsetenesta manglar eit samla internkontrollsystem.
• Dei tilsette manglar stillingsinstruksar/arbeidsomtale.
• Prosedyrar for skulehelsetenesta følgjer ingen prosedyremal.
• Prosedyrearbeidet er ikkje tverrfagleg basert.
• Lokaler som nyttast til helseundersøkingar og vegleiing i skulehelsetenesta er ikkje tilfredsstillande lydisolert.

Dato: 05.07.2000

1. Innleiing

Rapporten er utarbeidd etter systemrevisjon i Nissedal kommune i perioden 23.05.– 05.07. 2000. Revisjonen inngår som ein del av fylkeslegen sin planlagde tilsynsverksemd i år.

Føremålet med systemrevisjonen er å vurdera korleis verksemda tek i vare ulike myndigheitskrav ved hjelp av internkontroll. Revisjonen omfatta undersøking om:

• aktivitetar blir utførde slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett.

Ein systemrevisjon vert gjennomført ved gransking av dokumenter, ved intervjuer og ved verifikasjoner. Verifikasjoner inneber å sjekke om rutiner, prosedyrar og instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

Nissedal kommune har 4 barneskular og 1 ungdomsskule. Tilsaman er det 219 elevar frå fyrste til tiande klasse. Dei tilsette i skulehelsetenesta er leiande helsesyster, kommune-fysioterapeuten og kommunelegen. Alle er i heile stillingar og har andre oppgåver i tillegg.

Verksemda sin eigen dokumentasjon:

• Oversikt over grunnskular i Nissedal kommune
• Plan for skulehelsetenesta i Nissedal kommune
• Årsmelding for Nissedal kommune 1999
• Årsbudsjett for helsestasjon og jordmortenesta i Nissedal kommune
• Organisasjonskart for helse-, omsorg- og sosialetaten i Nissedal kommune
• Oversikt over tilsette ved helseavdelinga, Nissedal kommune

Korrespondanse mellom verksemda og fylkeslegen:

• Frå fylkeslegen 21.03.2000: Varsel om tilsyn med skulehelsetenesta i Nissedal kommune 23.mai 2000.
• Frå Nissedal kommune 17.04.2000: Varsel om tilsyn med skulehelsetenesta i Nissedal kommune.
• Frå fylkeslegen 12.05.2000: Varsel om tilsyn med skulehelsetenesta i Nissedal kommune 23.mai 2000.

Systemrevisjonen omfatta følgjande aktivitetar:

Melding om tilsyn blei sendt ut 21.03.2000.

Formøte vart ikkje halde.

Opningsmøte vart halde tysdag 23.mai 2000 kl. 10.00 – 10.30.

Intervjuer
4 personar vart intervjua.

Verifikasjonar
Følgjande verifikasjonar blei gjennomførde:

Utkast til prosedyremal for IK-systemet i skulehelsetenesta (ark med forslag)

Metodebok for skulehelsetenesta

Sluttmøte vart halde tysdag 23.mai kl. 15.00 – 15.30.

Område 1: Alminnelege krav.

Avvik 1-1.

Kommunen har ikkje rutinar for å sikre at dei tilsette er kjent med regelverk og faglege standarder for skulehelsetenesta.

Avvik frå følgjande myndigheitskrav:

Lov om statleg tilsyn med helsetenesta § 3.

Avviket er basert på følgjande observasjonar:

• Kommunen manglar system som sikrar at informasjon når fram til dei tilsette.
• Dei tilsette er ikkje kjent med kor regelverket som regulerer tenesta er plassert.

Merknad 1-1.

Skulehelsetenesta manglar eit samla internkontrollsystem.

Merknad 1-2.

Dei tilsette manglar stillingsinstruksar/arbeidsomtale.

Merknad 1-3.

Prosedyrar for skulehelsetenesta følgjer ingen prosedyremal.

Merknad 1-4.

Prosedyrearbeidet er ikkje tverrfagleg basert.

Merknaden er basert på følgjande observasjon:

Prosedyrearbeidet gjerast med utgangspunkt i helsesystergruppa i Vest-Telemark, utan at det samstundes er forankra i det lokale tverrfaglege miljøet.

Område 2: Undersøkingar og vegleiing.

Merknad 2-1.

Lokaler som nyttast til helseundersøkingar og vegleiing i skulehelsetenesta er ikkje tilfredsstillande lydisolert.

Område 3. Tiltak til utsette grupper.

Det blei ikkje funne avvik eller peikt på merknader på dette området.

Område 4: Helseovervaking

Avvik 4-1.

Skulehelsetenesta har ikkje oversikt over sjukdom/helsetilstand og risiko blant skuleelevane, og kan ikkje vise til systematiske tiltak som skal identifisere desse tilhøva.

Avvik frå følgjande myndigheitskrav:

Forskrift om helsetenester i skular av 23.11.1983 nr. 1776, § 3, jf. § 2 andre ledd og Lov om helsetenesta i kommunane av 19.11.1982 nr. 66, § 1-4.

Avviket er basert på følgjande observasjonar:

• Skulehelsetenesta har ikkje skriftlege prosedyrar for overvaking av helsetilstand og risikofaktorar blant skuleelevane.
• Helsetilstanden blant elevane er i liten grad beskrive i årsmelding for skulehelsetenesta.

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Fylkessjukepleier Astrid Irene Keltner (revisjonsleiar)
Assisterande fylkeslege Gunnar Andersen
Førstekonsulent Roger Jensen