INNHALD

1. Innleiing
2. Omtale av verksemda
3. Dokumentunderlag
4. Gjennomføring
5. Reviderte områder og funn
6. Deltakarar på revisjonen

Tilsynet er utført som systemrevisjon

• I kor stor grad har kommunen etablert internkontroll for godkjenning av verksemder som blir omfatta av forskrift om miljøretta helsevern i barnehagar og skoler m.v.
• I kor stor grad har kommunen etablert internkontroll for tilsyn med miljøretta helsevern i skoler og barnehagar.

Ved tilsynet blei det konstatert 2 avvik knytt til manglande internkontroll og manglande godkjenning og tilsyn med skoler og barnehagar

Dato: 29.11.1999

Formålet med systemrevisjonen er å vurdere korleis verksemda ivaretek ulike krav som styresmaktene stiller ved hjelp av sitt kvalitets- eller internkontrollsystem.

Revisjonen omfatta mellom anna:

• Kommunens oversikt over kva for lover og forskrifter som gjeld for godkjenning og tilsyn med miljøretta helsevern i skoler og barnehagar.
• Kommunens organisering, ansvarsplassering og oppgåvefordeling på dei forskjellige nivå innan området
• Kommunens faglege kompetanse og ressurser for godkjenning og tilsyn med miljøretta helsevern i skoler og barnehagar
• Kommunens bruk av vilkår eller dispensasjon ved godkjenning av miljøretta helsevern i barnehagar og skoler
• Kommunens sakshandsaming ved godkjenning av skoler og barnehagar etter forskrifta

Systemrevisjonen blei gjennomført ved gransking av dokumenter, ved intervjuer, og ved verifikasjon av at rutiner, prosedyrar m.v. blir følgt opp i praksis. Rapporten omhandlar avvik og merknader som er avdekka under revisjonen.

• Avvik blir definert som mangel på oppfylling av krav som styresmaktene stiller.
• Merknad er forhold som ikkje blir omfatta av definisjonen for avvik, men der styresmaktene meinar det ligg føre eit potensial. for forbetring.

Dokumentunderlaget for systemrevisjonen var:

• Lov om statleg tilsyn med helsetenesten av 30.03.1984,
  Lov om kommunehelsetenesten av 13.11.1982,
  Forskrift om miljøretta helsevern i skoler og barnehagar av 01.12. 1995
  Lov om behandlingsmåten i forvaltningssaker av 10.02. 1967
• Korrespondanse mellom Ørsta kommune og fylkeslegen.
• Dokumentasjon motteke frå kommunen jf. vedlegg nr.1
• Dokument motteke under revisjonen, jf. vedlegg nr. 1

• kommunen si godkjenning av skoler og barnehagar som blir omfatta av forskrift om miljøretta helsevern i skoler og barnehagar.
• kommunen sitt tilsyn med miljøretta helsevern i skoler og barnehagar

Avvik 1
Ørsta kommune har ikkje etablert internkontroll for godkjenning og tilsyn med skoler og barnehagar i samsvar med forskrift om miljøretta helsevern i skoler og barnehagar

Avvik frå:
Lov om statlig tilsyn med helsetjenesten § 3, første ledd

• "Enhver som yter helsetjeneste skal etablere internkontrollsystem for virksomheten og sørge for at virksomhet og tjenester planlegges, utføres og vedlikeholdes i samsvar med allment aksepterte faglige normer og krav fastsatt i medhold av lov eller forskrift"
• Avvik frå forskrift om miljøretta helsevern i skoler og barnehagar § 25:
  "Kommunestyret fører tilsyn med at disse forskrifter overholdes"

Avviket er grunna på følgjande observasjonar:
Kommunen har ikkje plan eller system for behandling av søknader om godkjenning eller for gjennomføring av tilsyn med miljøretta helsevern i skoler og barnehagar.
Helse- og sosialsjefen har mynde til å godkjenne og til å føre tilsyn med miljøretta helsevern i skoler og barnehagar.
Regelverket på området er kjend og tilgjengeleg.
Kommunen manglar kommunelege til å ivareta dei medisinsk - faglege funksjonane. Kommunen har tilgang på anna turvande fagkompetanse ved godkjenning og tilsyn. Det manglar plan for korleis personellet skal brukast.

Avvik 2
Ørsta kommune har ikkje handsama innkomne søknader om godkjenning frå skolar og barnehagar i kommunen.

Avvik frå:
Forskrift om miljøretta helsevern i skoler og barnehagar § 6, første ledd og siste ledd:

Avviket er basert på følgjande obesrvasjonar:
Kommunen har hausten 1999 motteke søknader om godkjenning frå alle aktuelle skular og barnehagar. Ingen søknader er behandla.
Kommunen har ikkje fastlagt korleis saksbehandlinga vidare skal skje.

Motteke frå kommunen

• Sjekkliste for søknad om godkjenning av skoler og barnehagar
• Delegasjonsvedtak i formannskapet vedrørande delegering til rådmann 26.10.1999
• Delegasjonskriv frå rådmann til helse- og sosialsjef 16.12.1998
• Kopi av forskrift om miljøretta helsevern i skolar og barnehagar
• Årsplan m.v. for HMT-kontroll i skolar og banehagar

  Motteke under tilsynet

• Skjema for handlingsplan for miljøretta helsevern i skoler og barnehagar