INNHALD

Tilsynet er utført som systemrevisjon.

• Internkontroll
• Godkjenning
• Tilsyn

Naustdal kommune er komen godt i gang med det førebuande arbeidet når det gjeld godkjenning av barnehagar og skular etter forskrifta om miljøretta helsevern i barnehagar og skular. Kommunestyret gjorde 8.12.99 vedtak om å delegere mynde både for godkjenning og tilsyn ,i samsvar med forskrifta ,til kommunelege1. Sjölv om fristen som er fastsett i forskrifta er gått ut, er dette arbeidet i kommunen no i godt gjenge. Kommunen har arbeidd ut søknadsprosedyrer og gjort eit omfattande førebuingsarbeid i skule- og barnehagesektoren for å etterkome forskrifta. Det er utarbeidd søknader og føreteke kartleggingar i fire av fem skular og i to av tre barnehagar. Kommunen har ikkje godkjent nokon skule eller barnehage enno, men reknar med at dei vil få gjort det i løpet av andre kvartal i inneverande år.

Kommunen dokumenterer at dei er komne langt med å lage eit overordna kvalitetssystem for alle sektorar, der internkontrollplikta etter Lov om statleg tilsyn med helsetenesta er innarbeidd som ein del av eit overordna kvalitetssystem for kommunen sine tenesteområde.

Under revisjonen vart det avdekt to avvik på det reviderte området. Desse er nærare omtala under avsnitt 5, som omhandlar reviderte område og funn.

Utarbeidd dato: 24.02.99.

Revisjonen går inn som ein del av fylkeslegen sitt planlagte revisjonsarbeid i år.

Systemrevisjonen sitt føremål er å vurdere korleis dei ulike myndigheitskrava vert ivaretekne i verksemda ved hjelp av internkontroll. Revisjonen omfatta mellom anna undersøking om:

• internkontrollen i verksemda er føremålstenleg og dekkjande
• aktivitetar vert utførte slik som dei er skrivne og uttalte
• verksemda når sine mål og driv verksemda si innanfor dei rammer som myndigheitene har sett.

Systemrevisjonen vart gjennomført ved gransking av dokument, ved intervju, samtaler, synfaring og ved verifikasjon av at rutinar, prosedyrar og instruksar i praksis vert følgde. Rapporten tek føre seg avvik og merknader som er avdekka under revisjonen.

Avvik vert definert som manglande oppfylling av dei krav myndigheitene har sett i lov og forskrift.

Merknad er tilhøve som ikkje vert omfatta av definisjonen for avvik, men som tilsynsmyndigheitene finn det naudsynt å peike på.

Fylkeslegen har revidert følgjande område:

• Miljøretta helsevern i barnehagar og skular.

Kommunen har valt ein organiseringsmodell der det er fleire rådgivarar som er i stab under rådmannen. Kvar av rådgivarane har fleire arbeidsområde innafor fleire saksfelt.

Skuleetaten gjennomfører vernerundar i høvet til krava i forskrift om helse- miljö og tryggleik (HMT) etter arbeidsmiljölova. Observasjonane som vert gjort her vert send i ein rapport til kommunen og til helsesjef/kommunelege1. Dette er ein fölgje av at skuleetaten nyttar "Veileder til forskrift om miljørettet helsevern i barne hager og skoler" som ein del av grunnlagsmaterialet for desse vernerundene. Slik innkorporerer skulen barna sitt "arbeidsmiljø" i vernearbeidet.

3. Dokumentunderlag

Dokumentunderlaget for systemrevisjonen var:

Aktuelle lover, forskrifter og rundskriv.

• Lov om helseteneste i kommunane av 19. november 1982
• Lov om statleg tilsyn med helsetenesta av 30. mars 1984
• Lov om behandlingsmåten i forvaltningssaker av 10.febr. 1967
• Forskrift om miljøretta helsevern i barnehagar og skular nr. 928 av 01.12.1995
• Veileder nr. 3-98 frå Statens helsetilsyn til ovannemnde forskrift
• Rundskriv IK –12/98 (av 29 mai 1998) frå Statens helsetilsyn om kommunenes tilsyn med virksomheter som etter kommunehelsetenestelova kap. 4a plikter å føre internkontroll.

Dokument frå Naustdal kommune:

• Organisasjonskart for Naustdal kommune
• Delegasjonsvedtak, sak 15,99 der godkjennings- og tilsynsmynde etter lov om helsetenester,miljøretta helsevern, vert delegert til Helsesjefen.
• Møtebok frå Naustdal Formannskap,sak 6/99
• Godkjenningsskjema for skular og barnehagar i Naustdal kommune
• Internkontrollrutinar for Lunden barnehage
• Namneliste over tilsette i skular og barnehagar i Naustdal kommune
• Oversikt over kvalitetssystem, internkontroll for Naustdal kommune

Opnings- og avslutningsmøte og intervjua vart gjennomførde i Formannskapssalen i Naustdal rådhus.

Opningsmøtet starta klokka 11.00. Til stades var dei som vart intervjua frå kommunen, rådmannen, rådgivar frå staben til rådmannen, kommunelege 1 og 2, rektor, styrar frå barnehage og revisjonsteamet frå fylkeslegen.

Intervju: Seks personar vart intervjua.

Verifikasjon:

• Kommunen kunne dokumentere oppbygging av eit overordna kvalitetssystem.
• Kommunen har arbeidd ut søknadsskjema /prosedyre for handsaming av søknader etter forskrifta. Kommunen har gjennomført kartlegging av miljøet i samsvar med krav fastsett i forskrifta for dei fire skular og to barnehagar.
• Kommunen har fastsett prosedyrar for gjennomføring av tilsyn. Personar er utpeika og har fått innføring i å føre tilsyn etter revisjonsmetoden som Helsetilsynet nyttar ved systemrevisjonar. Det er kommunelege1 og ein av rådgivarane.

Sluttmøte starta klokka 14.00

Oppsummering med presentasjon av resultata.

Revisjonen omfatta Miljøretta helsevern i barnehagar og skular:

• Internkontroll
• Kommunen si godkjenning av verksemder som er omfatta av forskrift om miljøretta helsevern i barnehagar og skular
• Kommunen sitt tilsyn med miljøretta helsevern i barnehagar og skular

Systemrevisjonen synte at Naustdal kommune har teke mot søknader frå 4 skular og 2 barnehagar, ein skule og ein barnehage har ikkje sendt søknader enno.

Dei tilsette i kommunen har god kunnskap om regelverket for miljøretta helsevern i barnehagar og skular. Helsetenesta har sett seg godt inn i kva som er deira rolle etter at dei har fått delegert mynde frå kommunestyret og rådmannen. Skule- og barnehagesektoren ser samanhengane mellom miljøretta helsevern og arbeidsmiljøet for dei vaksne. I skulen har dei og trekt med elevar i miljøarbeidet og har brukt temaet i samband med prosjektarbeid i undervisninga.

Observasjon:

Ingen skular eller barnehagar var godkjende innan 31.12.98 jf. § 6 Krav om godkjenning i Forskrift om miljøretta helsevern i skoler og barenhager.

Avvik 2

Observasjon:

Det har ikkje vore utført tilsyn etter krava i forskrifta jf. § 25. Tilsyn

Kommunen sin tilsynsplikt vert og fasetsett i tilsynsloven§ 3

" Plikt til å opprette internkontroll og tilsyn med at det føres internkontroll. Enhver som yter helsetjeneste skal etablere internkontrollsystem for virksomheten og sørge for at virksomhet og tjeneste planlegges , utføres og vedlikeholdes i samsvar med allment aksepterte faglige normer og krav fastsatt i medhold av lov eller forskrift…"

I tabellen under er det gjeve oversikt over deltakarane på opningsmøte og sluttmøte, og over kva personar som vart intervjua.

Frå Fylkeslegen møtte:
rådgivar Bjørg Eikum Tang , revisjonsleiar
fylkessjukepleiar Åge Wiberg Bøyum , revisor